ზელენსკის ისრაელში ვიზიტზე უარი არ უთხრეს, არამედ თარიღების შეთანხმება სთხოვეს.
ამის შესახებ უკრაინის საგარეო საქმეთა მინისტრმა დმიტრო კულებამ იტალიური გამოცემა la Repubblica-სთან ინტერვიუში განაცხადა.
„თავს უარყოფილად არ ვგრძნობთ. მათთან [ისრაელთან] ვიზიტი „ჰამასის“ თავდასხმის შემდეგ ეგრევე განვიხილეთ, და მათ გვითხრეს, რომ დალოდება მოგვიწევს. მაშინ თელ-ავივში არცერთ უცხო ლიდერს არ ელოდნენ. ახლა ფაზა შეიცვალა“, - განაცხადა კულებამ.
ცნობისთვის, აქამდე ისრაელის მედია ავრცელებდა ინფორმაციას, რომ "ჰამასის" თავდასხმის შემდეგ უკრაინის პრეზიდენტმა ვოლოდიმირ ზელენსკიმ სოლიდარობის ნიშნად ისრაელში ვიზიტი მოითხოვა, მაგრამ მას უთხრეს, რომ “დრო ჯერ შესაბამისი არ არის”.