ჩვენი მხრიდან გაკეთდება ყველაფერი იმისთვის, რომ ახალ ელჩთან შედგეს მჭიდრო თანამშრომლობა, - ამის შესახებ „ქართული ოცნების“ თავმჯდომარემ, ირაკლი კობახიძემ სასტუმრო „შერატონში“ ჟურნალისტებთან განაცხადა, სადაც აშშ-ს ახალ ელჩთან, რობინ დანიგენთან, პოლიტიკოსებსა და „ენჯეოებს“ შორის გაცნობით შეხვედრა გაიმართა.

კობახიძის თქმით, ახალ ელჩთან მჭიდრო თანამშრომლობა აუცილებელია იმისათვის, რომ აშშ-თან სტრატეგიული პარტნიორობა გაღრმავდეს.

„ყველანაირი საფუძველი გვაქვს იმისათვის, რომ ვიყოთ ოპტიმისტურად განწყობილები, ვთანამშრომლობდეთ შემდგომ გაღრმავებასთან დაკავშირებით და დარწმუნებული ვარ, რომ ეს ასე იქნება. ჩვენი მხრიდან გაკეთდება ყველაფერი იმისათვის, რომ ახალ ელჩთან შედგეს მჭიდრო თანამშრომლობა. ეს აუცილებელია, იმისათვის, რომ გაღრმავდეს ჩვენი სტრატეგიული პარტნიორობა აშშ-თან“,- განაცხადა კობახიძემ.