აშშ-ში კაპიტოლიუმის პოლიციამ ისრაელ-ჰამასის ომის საწინააღმდეგო ფართომასშტაბიანი დემონსტრაციის დროს 300-ზე მეტი ადამიანი დააკავა, - ინფორმაციას ABC News-ი, კაპიტოლიუმის პოლიციის პრესსპიკერზე დაყრდნობით ავრცელებს.

მისი თქმით, მათი უმეტესობა კაპიტოლიუმში დემონსტრაციის გამართვისთვის დააკავეს.

აშშ-ის კაპიტოლიუმის კომპლექსსა და მის გარეთ ასობით ადამიანი შეიკრიბა. ისინი ისრაელსა და „ჰამასს“ შორის კონფლიქტის დასრულებას მოითხოვდნენ.

გავრცელებული ინფორმაციით, კაპიტოლიუმის პოლიციამ, წესრიგის აღსადგენად, დასახმარებლად სამართალდამცავები მიმდებარე ტერიტორიებიდან გამოიძახა, მათ შორის ვაშინგტონის მეტროპოლიტენის პოლიცია და ვირჯინიის ოფიცრები.