თუ ფარცხალაძესთან დაკავშირებით აშშ-სგან მტკიცებულებები არ იქნება წარმოდგენილი, აღმოჩნდება, რომ ყველა ბრალდება არის ფუჭი,- ამის შესახებ ჟურნალისტებთან პარლამენტის თავმჯდომარე შალვა პაპუაშვილმა განაცხადა, რითაც უპასუხა კითხვას, დღეს სუს- ის უფროსის მოსმენაზე იქნება თუ არა კითხვები ფარცხალაძესთან დაკავშირებით.

პაპუაშვილის თქმით, შესაძლოა დღევანდელ მოსმენაზე სუს-ის უფროსისგან მეტი დეტალი გაიგონ დაწყებული გამოძიების (ე.წ. ტრენინგების საქმე) თაობაზე.

„სუს-ის ანგარიშს რაც შეეხება, მნიშვნელოვანია მისი მოსმენა განსაკუთრებით იმ კონტექსტში რაც გვაქვს - გამოძიების კონტექსტში. ამ საკითხზე გვექნება კითხვები და იმედი გვაქვს, იმ შესაძლებლობის ფარგლებში, რაც ექნება სახელმწიფო უსაფრთხოების სამსახურის ხელმძღვანელს, პასუხებიც იქნება და შესაძლოა, მეტი დეტალიც მივიღოთ. რაც შეეხება ფარცხალაძის საკითხს, ვერაფერს გეტყვით. ვიცით, რომ მიმართ პროკურატურამ აშშ-ის მტკიცებულებებთან დაკავშირებით და ჩვენ მოველით, რომ ეს მტკიცებულებები წარმოდგენილი უნდა იყოს. იმ შემთხვევაში თუ არ იქნება მტკიცებულებები წარმოდგენილი, აღმოჩნდება, რომ ყველა ბრალდება არის ფუჭი”, - განაცხადა პაპუაშვილმა.