„საქართველოს ბანკის“ მხარდაჭერით, საქართველოში ყველაზე მასშტაბური მათემატიკის სასკოლო ოლიმპიადა - ევერესტი იწყება

„საქართველოს ბანკი“ აქტიურად განაგრძობს განათლების მხარდაჭერას და მოსწავლეებისათვის ახალი შესაძლებლობების შექმნას. სწორედ ამიტომ, ფინანსური ინსტიტუტი საქართველოში ყველაზე მასშტაბური მათემატიკის სასკოლო ოლიმპიადის - ევერესტის მხარდამჭერია.

ამის შესახებ ინფორმაციას „საქართველოს ბანკი“ ავრცელებს.

მათივე ცნობით, მათ, ვისაც ლოგიკური და საინტერესო მათემატიკური ამოცანები აინტერესებთ, შესაძლებლობა აქვთ, მონაწილეობა მიიღონ როგორც ევერესტის ოქროს ტურში, ასევე სამტურიან ოლიმპიადაში. ორივე ოლიმპიადაში მონაწილეობის მისაღებად მოსწავლეებმა რეგისტრაცია უნდა გაიარონ ბმულზე.

„ოქროს ტური წელს 28-29 ოქტომბერს ჩატარდება და მასში მონაწილეობის მიღებას მეორე, მესამე, მეოთხე, მეხუთე და მეექვსე კლასის მოსწავლეები შეძლებენ. ოქროს ტურის ფარგლებში, ბავშვებმა 14 ამოცანა უნდა ამოხსნან, ოლიმპიადის ბოლოს კი საუკეთესო შედეგის მქონე ახალგაზრდა გამოვლინდება.

ოქროს ტურზე რეგისტრაცია უკვე დაწყებულია და ის 25 ოქტომბერს დასრულდება.

სამტურიანი ოლიმპიადის ფარგლებში კი პირველ ეტაპზე მოსწავლეები გაივლიან ტესტირებას ონლაინ, შემდეგ კი შერჩეული კანდიდატები მეორე ტურში მიიღებენ მონაწილეობას, რომელიც 4-5 ნოემბერს ჩატარდება.

ფინალური ტური 2-3 დეკემბერს გაიმართება, რომლის ფარგლებშიც საუკეთესო შედეგის მქონე მოსწავლე გამოვლინდება. სამტურიან ოლიმპიადაზე რეგისტრაცია დაწყებულია და პირველ ნოემბერს დასრულდება.

ოქროს ტურისა და სამტურიანი ოლიმპიადის გამარჯვებულთა დაჯილდოების ცერემონია კი 24 დეკემბერს გაიმართება“, - ნათქვამია ინფორმაციაში.

„საქართველოს ბანკის“ CSR მიმართულების ხელმძღვანელიs ანა ლომთაძის განცხადებით, ევერესტის ოლიმპიადა საქართველოში ერთ-ერთი ყველაზე მასშტაბური მათემატიკის ოლიმპიადაა, რომელიც მოსწავლეებს ეხმარება, საინტერესო მათემატიკური ამოცანების მეშვეობით გამოცადონ საკუთარი თავი და უნარები.

„საქართველოს ბანკი“ განაგრძობს მოსწავლეებისთვის განათლებისა და საკუთარი თავის გამოვლენის შესაძლებლობების შექმნას. სწორედ ამ მიზნით, ჩვენ არაერთ პროექტს ვახორციელებთ და ვუჭერთ მხარს. ევერესტის ოლიმპიადა საქართველოში ერთ-ერთი ყველაზე მასშტაბური მათემატიკის ოლიმპიადაა, რომელიც მოსწავლეებს ეხმარება, საინტერესო მათემატიკური ამოცანების მეშვეობით გამოცადონ საკუთარი თავი და უნარები, შეიმეცნონ უფრო მეტი და განივითარონ ლოგიკური აზროვნება. ჩვენ არ ვჩერდებით და აქტიურად ვაგრძელებთ ახალი ინიციატივების განხორციელებას“, - აღნიშნა ანა ლომთაძემ.

ოლიმპიადაში მონაწილეობის შესახებ დეტალური ინფორმაციის მისაღებად ეწვიეთ ვებგვერდს.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია