„რესპუბლიკური პარტიის“ თავმჯდომარე, ხათუნა სამნიძე და დამოუკიდებელი დეპუტატი, თამარ კორძაია შვეიცარიაში, ქალაქ ჟენევაში გაეროს რეგიონულ კონფერენციაში იღებენ მონაწილეობას. ამის შესახებ ინფორმაციას „რესპუბლიკური პარტიის“ პრესსამსახური ავრცელებს.

მათივე ცნობით, მოსახლეობა და განვითარების საერთაშორისო კონფერენცია ადამიანის უფლებებსა და არჩევანის თავისუფლების უზრუნველყოფის საკითხებს უკავშირდება. ამასთანავე, კონფერენციაზე საუბარია გენდერული თანასწორობის საკითხებზე და პოლიტიკური ჩარჩოების არსებობაზე.

„გარკვეული პროგრესის მიუხედავად, განსაკუთრებით საყურადღებოა გენდერული თანასწორობის წინააღმდეგ წამოწყებული პოლიტიკის გაძლიერება.

კონფერენციაზე თემატური სესიები დაკავშირებულია ისეთ საკითხებთან როგორიცაა - უთანასწორობა; მოსახლეობის დაცვა; რეპროდუქციული ჯანმრთელობა; მოსახლეობის დინამიკა და მდგრადი განვითარება“, - ნათქვამია ინფორმაციაში.