ოკუპირებული ცხინვალის ე.წ. „დაზვერვის“ ხელმძღვანელი - საქართველოს ხელმძღვანელობაზე ვაშინგტონისა და ბრიუსელის ზეწოლა იზრდება - ამის მიზანია აიძულონ თბილისი, სამხრეთ ოსეთის ტერიტორიაზე რუსეთის წინააღმდეგ „მეორე ფრონტი“ გახსნას

საქართველო არ აპირებს უარი თქვას სამხრეთ ოსეთისა და აფხაზეთის ტერიტორიების საკუთარ შემადგენლობაში დაბრუნებასთან დაკავშირებულ რევანშისტულ იდეებზე, - ამის შესახებ ოკუპირებული ცხინვალის ე.წ. საგარეო დაზვერვის სამსახურის ხელმძღვანელმა, ალექსეი ვარზიევმა განაცხადა.

„ოფიციალური თბილისის სამშვიდობო რიტორიკის მიუხედავად, რომელიც ამ ეტაპზე საკმაოდ დაბალანსებულ პოზიციას ინარჩუნებს და რომელიც ეფუძნება რუსეთის ფედერაციასთან ურთიერთობაში დაპირისპირების თავიდან აცილებას, ქართულ საზოგადოებაში შეინიშნება რევანშისტული განწყობის ზრდა, რასაც დასავლური ქვეყნები აქტიურად უწყობენ ხელს, უფრო მეტიც, საქართველოს ხელმძღვანელობაზე ვაშინგტონისა და ბრიუსელის აშკარა ზეწოლა იზრდება. მიზანი აშკარაა - აიძულონ თბილისი, სამხრეთ ოსეთის ტერიტორიაზე რუსეთის წინააღმდეგ „მეორე ფრონტი“ გახსნას“, - განაცხადა ვარზიევმა.

მისი მტკიცებით, ამ საქმეში შეერთებული შტატები და „მისი სატელიტები ფსონს დებენ ქართული ნაციონალისტური და ნეოფაშისტური ორგანიზაციების წევრებზე, რომლებიც უკრაინაში იბრძვიან.“

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 18.07.2024
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის