სადაზღვევო ჯგუფის დირექტორის მოადგილე - რეიტინგული გადამზღვეველი არ გაუფორმებს კონტრაქტს ისეთ სადაზღვევო კომპანიას, რომელიც ვერ მართავს რისკებს და უარყოფითი შედეგით ამთავრებს სადაზღვევო წელს

საქართველოს სადაზღვევო ჯგუფის ინფორმაციით, ოპერირების დაწყების დღიდან „საქართველოს სადაზღვევო ჯგუფის“ ყველა არასიცოცხლის დაზღვევის პოლისი AA რეიტინგის ევროპულ გადამზღვეველ კომპანიაშია გადაზღვეული.

„რეიტინგული გადამზღვეველი არ გაუფორმებს კონტრაქტს ისეთ სადაზღვევო კომპანიას, რომელიც ვერ მართავს რისკებს და უარყოფითი შედეგით ამთავრებს სადაზღვევო წელს.

რეიტინგული გადამზღვეველი სადაზღვევო კომპანიის მდგრადობის საფუძველია.

ოპერირების დაწყების დღიდან „საქართველოს სადაზღვევო ჯგუფის“ ყველა არასიცოცხლის დაზღვევის პოლისი გადაზღვეულია AA რეიტინგის ევროპულ გადამზღვეველ კომპანიაში.

ჩვენ მუდმივად ვინარჩუნებთ ასეთ ძლიერ პარტნიორებს, ვინაიდან, ჩვენი პოლისები ანდერრაიტინგულად კვალიფიციურადაა შედგენილი და კომპანიის რისკების მართვის პოლიტიკა საიმედოა ჩვენი გადამზღვევლებისთვის“, - განაცხადა გენერალური დირექტორის მოადგილემ სოფიო გრაკალიშვილმა და დასძინა:

„ჩვენი კომპანია გადამზღვევლების ნდობით სარგებლობს, ვინაიდან ოპერირების დაწყების დღიდან ყოველი წელი დადებითი ბალანსით დაასრულა, რამაც საშუალება მოგვცა ჩვენივე შემოსავლებით გაგვეოთხმაგებინა კომპანიის კაპიტალი”.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო