ვოლოდიმირ ზელენსკი ჯო ბაიდენს - ჩვენი მეომრები ATACMS-ის რაკეტებს ბრძოლის ველზე კარგად იყენებენ
უკრაინის პრეზიდენტმა, ვოლოდიმირ ზელენსკიმ აშშ-ის პრეზიდენტს, ჯოზეფ ბაიდენს უკრაინისთვის ATACMS-ის შორ მანძილზე მოქმედი რაკეტების მიწოდებისთვის მადლობა გადაუხადა.
“ვესაუბრე პრეზიდენტ ჯო ბაიდენს და მადლობა გადავუხადე ჩვენი თავდაცვის შეთანხმებების ეფექტური განხორციელებისთვის. უკრაინელები ძალიან წახალისებული არიან ATACMS-ის მიწოდებით და ჩვენი მეომრები მათ კარგად იყენებენ ბრძოლის ველზე“, - წერს ზელენსკი სოციალურ ქსელში.
მისი ინფორმაციით, სატელეფონო საუბრის დროს გრძელვადიანი შესაძლებლობების შემდგომი გაძლიერების საკითხიც განიხილეს.
„უკრაინა აშშ-ს მადლიერია თავისუფლებისთვის და რუსული აგრესიის წინააღმდეგ ჩვენს ბრძოლაში სასიცოცხლო და მტკიცე მხარდაჭერისთვის“, - აცხადებს ზელენსკი.
