საქართველოს ტურიზმის ეროვნული ადმინისტრაციის ვიდეორგოლი „სტუმარი“ UNWTO-ს კონკურსის გამარჯვებულია.

საქართველოს ტურიზმის ეროვნული ადმინისტრაციის ცნობით, საქართველოს ტურისტული პოტენციალის შესახებ მომზადებული საიმიჯო ვიდეორგოლი ევროპის რეგიონის საუკეთესო კლიპად აღიარეს. გაეროს მსოფლიო ტურიზმის ორგანიზაციის ნომინაციაში „Tourism and the Decade of Action" გამარჯვებული ვიდეორგოლი „სტუმარი“ გახდა.

მათივე ცნობით, გადაწყვეტილება უზბეკეთში, სამარყანდში, გაეროს მსოფლიო ტურიზმის ორგანიზაციის აღმასრულებელი საბჭოს სხდომის ფარგლებში გამოცხადდა. კონკურსში მსოფლიოს სხვადასხვა ქვეყანა მონაწილეობდა. ამასთან, აღნიშნავენ, რომ გამარჯვებული ტურისტული მიმართულებები მედიის სფეროში პროფესიონალებით დაკომპლექტებულმა ჟიურიმ გამოავლინა.

იხილეთ ვიდეორგოლი