პალესტინის ჯანდაცვის სამინისტრო - ისრაელმა დასავლეთ სანაპიროზე ლტოლვილთა ბანაკში ოპერაცია ჩაატარა, რასაც 13 ადამიანი ემსხვერპლა
დასავლეთ სანაპიროზე ლტოლვილთა ბანაკში ისრაელის მიერ განხორციელებული ოპერაციის შედეგად 13 ადამიანი, მათ შორის 5 ბავშვი დაიღუპა, - ინფორმაციას პალესტინის ჯანდაცვის სამინისტრო ავრცელებს.
„ისრაელის საოკუპაციო არმიამ ტულკარემში, ნურ შამსის ლტოლვილთა ბანაკში გუშინ განხორციელებული აგრესიის დროს ხოცვა-ჟლეტა ჩაიდინა, სადაც მოწამეების რაოდენობამ 13-ს მიაღწია, მათ შორის 5 ბავშვია“, - ნათქვამია სამინისტროს განცხადებაში.
გავრცელებული ინფორმაციით, ამჟამად ისრაელის ძალები ბანაკის ტერიტორიაზე აღარ იმყოფებიან.
