დავით ნარმანია აწსუ-ს საიუბილეო ღონისძიებაზე სიტყვით წარდგა

საქართველოს ენერგეტიკისა და წყალმომარაგების მარეგულირებელი ეროვნული კომისიის (სემეკ) თავმჯდომარე, დავით ნარმანია აკაკი წერეთლის სახელმწიფო უნივერსიტეტის (აწსუ) საიუბილეო ღონისძიებაზე სიტყვით წარდგა.

სემეკის თავმჯდომარემ სიტყვით გამოსვლისას ხაზი გაუსვა უნივერსიტეტის როლსა და მნიშვნელობას ქვეყნის განვითარებისა და მომავალი თაობის განათლების პროცესში, ისაუბრა სემეკსა და აწსუ-ს შორის არსებული მემორანდუმის ფარგლებში წარმატებულ თანამშრომლობაზე.

„ვულოცავ აკაკი წერეთლის სახელმწიფო უნივერსიტეტს იუბილეს. დიდია უნივერსიტეტის წვლილი თაობების აღზრდასა და განათლებაში. ჩვენ ყოველთვის მზად ვართ მონაწილეობა მივიღოთ უნივერსიტეტის მიერ ორგანიზებულ სამეცნიერო თუ კვლევითი ხასიათის ღონისძიებებსა და კონფერენციებში. სემეკსა და აწსუ-ს შორის არსებული მემორანდუმის ფარგლებში გრძელდება მჭიდრო თანამშრომლობა, რომლის ფარგლებშიც არაერთი მნიშვნელოვანი პროექტი განხორციელდა. ჩემი და ჩემი გუნდის მიზანია, რომ მაქსიმალურად შევუწყოთ ხელი უნივერსიტეტებს სტუდენტებისათვის ენერგეტიკის შესახებ როგორც თეორიული, ასევე პრაქტიკული ცოდნის მიღებაში“, - აღნიშნა დავით ნარმანიამ.

სემეკის ინფორმაციით, სემეკსა და აწსუ-ს შორის არსებული მემორანდუმის ფარგლებში, დავით ნარმანიას ინიციატივით უნივერსიტეტს გადაეცა განახლებადი ენერგიების ხელშემწყობი პროექტის - ნეტო-აღრიცხვის მაკეტი, რომლის პროგრამაც ასახავს მცირე მიკროსიმძლავრის ელექტროსადგურის მიერ ელექტროენერგიის გამომუშავებისა და მისი ქსელში გადაცემის პროცესს. გარდა ამისა, უნივერსიტეტში გახსნილია „სემეკის აუდიტორია“, რომელიც მარეგულირებელი კომისიის დახმარებით აღიჭურვა.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 18.07.2024
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის