ნინო ვარდოსანიძე - ქალაქის სიმბოლიკა, რომელსაც დროშა და გერბი წარმოადგენს, ჰერალდიკის კანონიკას უნდა შეესაბამებოდეს

თბილისის საკრებულოს სახელდებისა და სიმბოლიკის კომისიის თავმჯდომარის ნინო ვარდოსანიძის განცხადებით, ქალაქის სიმბოლიკა, რომელსაც დროშა და გერბი წარმოადგენს, ჰერალდიკის პრინციპების დაცვით კანონის შესაბამისად უნდა იქნას მიღებული.

ამის შესახებ ინფორმაციას თბილისის საკრებულო ავრცელებს.

ვარდოსანიძის თქმით, აქ იგულისხმება როგორც 2014 წელს თვითმმართველობის კოდექსში განსაზღვრული წესი, ისე შემდგომ, 2019 წელს სახელმწიფო მნიშვნელობის სიმბოლოების შესახებ მიღებულ კანონში დაზუსტებული განმარტებები.

ამ განცხადებით ვარდოსანიძე საკრებულოს სხდომაზე ქალაქის სიმბოლიკის კანონის წესით დამტკიცების თაობაზე დედაქალაქის მერის მიერ დაანონსებულ საკითხს გამოეხმაურა.

კომისიის თავმჯდომარის განცხადებით, არსებული სიმბოლიკა არ აკმაყოფილებს დადგენილ მოთხოვნებს, რის გამოც ჰერალდიკის საბჭოსთან კონსულტაციებისა და მათი პროფესიული მოსაზრებების გათვალისწინებით, საჭიროა მისი კანონის შესაბამისად მიღება და საკრებულოს მიერ დამტკიცება.

„როგორც მთავრობის სხდომაზე ითქვა, პროცესი იქნება ღია, ანუ ესკიზების შერჩევა კონკურსის წესით მოხდება. მნიშვნელოვანია, ბევრმა ადამიანმა მიიღოს კონკურსში მონაწილეობა, რომელთაგან კომისია საუკეთესო ნამუშევარს შეარჩევს“, -განაცხადა ნინო ვარდოსანიძემ და კოლეგებს ამ საპასუხისმგებლო და საპატიო პროცესში ჩართულობისკენ მოუწოდა.

დასასრულს, საკრებულოს წევრმა აღნიშნა, რომ ემირ ბურჯანაძის მიერ შექმნილი სიმბოლიკა მომავალშიც იქნება ქალაქის აღმნიშვნელი ერთ-ერთი სიმბოლო.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია