პერსონალურ მონაცემთა დაცვის სამსახურის უფროსმა, ლელა ჯანაშვილმა „პირადი ცხოვრების ხელშეუხებლობის ასამბლეის“ 45-ე შეხვედრის დახურული სესიის პანელს  გაუწია მოდერაცია

ჰამილტონში (ბერმუდის კუნძულები), 15-20 ოქტომბერს გამართული „პირადი ცხოვრების ხელშეუხებლობის ასამბლეის“ (GPA) 45-ე შეხვედრაზე გამართული დახურულის სესიის პანელს — „პირადი ცხოვრების ხელშეუხებლობის ტრენდები: წინ გადადგმული ნაბიჯები“, მოდერაცია პერსონალურ მონაცემთა დაცვის სამსახურის უფროსმა, ლელა ჯანაშვილმა გაუწია.

პერსონალურ მონაცემთა დაცვის სამსახურის ინფორმაციით, პანელი პერსონალურ მონაცემთა დაცვისა და პირადი ცხოვრების ხელშეუხებლობის სფეროში არსებული სიახლეების, გამოწვევებისა და ძირითადი ტენდენციების მიმოხილვას დაეთმო.

„ჩვენ ვცხოვრობთ სწრაფად განვითარებადი ტექნოლოგიების ეპოქაში, რაც პერსონალურ მონაცემთა დაცვისა და პირადი ცხოვრების ხელშეუხებლობის თვალსაზრისით, თანამედროვე ტენდენციებსა და გარკვეულ რისკებს ქმნის. მონაცემთა დაცვის საზედამხედველო ორგანოები უმნიშვნელოვანეს როლს ასრულებენ პირადი ცხოვრების ხელშეუხებლობის სფეროში არსებული ტენდენციების საპასუხოდ შესაბამისი პრაქტიკის ჩამოყალიბებაში. დღევანდელი პანელი წარმოადგენს ერთ-ერთ სადისკუსიო პლატფორმას, რომელიც პერსონალურ მონაცემთა დაცვის სამართლის პრაქტიკოსი იურისტებისა და აკადემიური წრის წარმომადგენელთა მონაწილეობით, სწორედ აღნიშნული ტენდენციების განხილვას, მონაცემთა სუბიექტის უფლებების დასაცავად შესაბამისი გარანტიების შექმნას დაეთმობა“, - აღნიშნა შესავალ სიტყვაში ლელა ჯანაშვილმა.

უწყების ცნობითვე, პანელის ფარგლებში მოხსენებით წარსდგნენ: იაპონიის პერსონალური მონაცემთა დაცვის საზედამხედველო ორგანოს საერთაშორისო აკადემიური გაცვლის კომისარი, ჩუოს უნივერსიტეტის პროფესორი, დოქტ. კაორი იშიი; ვაშინგტონის შტატში დაფუძნებული გლობალური პირადი ცხოვრების ხელშეუხებლობის ფორუმის ვიცე-პრეზიდენტი, დოქტ. გაბრიელა ზანფირ-ფორტუნა; მსოფლიოს პირადი ცხოვრების ხელშეუხებლობის ფორუმის დამფუძნებელი და აღმასრულებელი დირექტორი, პემ დიქსონი; იტალიის მონაცემთა დაცვის საზედამხედველო ორგანოს საერთაშორისო და ევროკავშირის საკითხებში სამსახურის უფროსი, ლუიჯი მონტუორი; კოლუმბიის უნივერსიტეტის ნეიროტექნოლოგიური ცენტრის დირექტორი და “US BRAIN” ინიციატივის დამფუძნებელი, პროფესორი, დოქტ. რაფაელ იუსტე.

„წარდგენილი მოხსენებები დაეთმო ხელოვნური ინტელექტის მეშვეობით პერსონალური მონაცემების დამუშავებას, მის გავლენას ადამიანის ძირითად უფლებებსა და თავისუფლებებზე, „ჭკვიან ქალაქებს“ (smart cities), განსაკუთრებული კატეგორიის მონაცემის - ნევროლოგიური მონაცემის დამუშავებას და სხვა თემატურ საკითხებს.

შეჯამებისას ლელა ჯანაშვილმა ხაზგასმით აღნიშნა თითოეული თემატიკის აქტუალობა პერსონალურ მონაცემთა დაცვის საზედამხედველო ორგანოთა საქმიანობისათვის, განსაკუთრებით კი საქართველოს პერსონალურ მონაცემთა დაცვის საზედამხედველო ორგანოს პერსპექტივიდან, ახალი კანონის იმპლემენტაციის მიზნებისათვის”,- ნათქვამია ინფორმაციაში.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია