ოლექსი დანილოვი - ქართველებსა და მოლდოვას რუსი ოკუპანტებისგან თავისი ტერიტორიების გათავისუფლება რომ დაეწყოთ, დეოკუპაციის საკითხს უფრო სწრაფად მოვაგვარებდით -  მესამე მსოფლიო ომი 2008 წელს დაიწყო, როცა რუსეთი თავს დაესხა საქართველოს

ქართველებსა და მოლდოვას რუსი ოკუპანტებისგან თავისი ტერიტორიების გათავისუფლება რომ დაეწყოთ, დეოკუპაციის საკითხს უფრო სწრაფად მოვაგვარებდით, - ამის შესახებ უკრაინის ეროვნული უსაფრთხოებისა და თავდაცვის საბჭოს მდივანმა, ოლექსი დანილოვმა განაცხადა.

მისი თქმით, მესამე მსოფლიო ომი 2008 წელს დაიწყო, როდესაც რუსეთის ფედერაცია თავს დაესხა საქართველოს, მისი ტერიტორიები წაიღო.

„შემდეგ იყო 2014 წლის თებერვლის სიტუაცია. უბრალოდ ის [ომი] იმყოფებოდა ისეთ „ცივ“ მდგომარეობაში, ახლა კი აქტიურ ფაზაში გადავიდა“, - განაცხადა დანილოვმა.

დანილოვის თქმით, საქართველოსა და მოლდოვას რუსეთისგან საკუთარი ტერიტორიების გათავისუფლება რომ დაეწყოთ იმ დროს, როდესაც უკრაინაში ომი მიმდინარეობს, მაშინ ერთობლივად აგრესორის მიერ დაპყრობილი ტერიტორიების დაბრუნების საკუთხი უფრო სწრაფად მოგვარდებოდა.

„ჩემი პოზიცია ჯერ კიდევ თებერვლის დასასრულიდან - მარტის დასაწყისიდან იყო, როდესაც ჩვენთან აგრესია დაიწყო, და ვამბობდი: ქართველებსა და მოლდოვას რუსი ოკუპანტებისგან საკუთარი ტერიტორიების გათავისუფლება რომ დაეწყოთ, მაშინ უფრო სწრაფად მოვაგვარებდით ამ საკითხს. მაგრამ ეს მათი მთავრობების გადაწყვეტილებაა, ეს ამ ქვეყნების გადაწყვეტილებაა. ისინი თვლიან, რომ ჩვენი დახმარებით, ანუ როდესაც რუსებზე გავიმარჯვებთ, მაშინ ისინი ძალიან სწრაფად გაათავისუფლებენ თავიანთ ტერიტორიებს”, - განაცხადა დანილოვმა.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
„საქკაბელმა“ ენერგეტიკულ გამოფენაზე ახალი პროდუქცია წარადგინა
მედიაჰოლდინგ „ჯორჯიან თაიმსის” ბიზნეს რეიტინგის XXIII დაჯილდოების ცერემონიაზე PSP-მ 3 ჯილდო მიიღო
GM PHARMA-ს მორიგი აღიარება და საერთაშორისო PIC/S GMP სერტიფიკატი