ავთანდილ ცინცაძე „ლელოს“ წევრებს - გინდათ გააღვივოთ პროტესტი იქ, სადაც ის არ არის

თბილისის საკრებულოს წევრი, საბურთალოს რაიონის მაჟორიტარი ავთანდილ ცინცაძე თბილისის საკრებულოს დღევანდელ სხდომაზე პარტია „ლელოს“ მიერ საბურთალოს რაიონში, 33-ე ბაღთან დაკავშირებით გამართულ აქციას გამოეხმაურა და აღნიშნა, რომ საბავშვო ბაღში არანაირი პრობლემა არ არსებობს.

„თქვენ გინდათ წარმოაჩინოთ, რომ თითქოს არ გვაინტერესებს მომავალი თაობა, ამ საბავშვო ბაღის აღსაზრდელები, არადა მე საკუთარი შვილი დამყავს ამ ბაღში და თქვენ მეუბნებით, რომ თქვენ უფრო გაღელვებთ მისი ბედი, ვიდრე მე. თქვენ მუდამ ცდილობთ გააღვივოთ პროტესტი იქ, სადაც არ არის. ამიტომაც საპროტესტო აქციებზე თქვენი პარტიის წევრები უფრო მეტნი გამოდიხართ, ვიდრე ვითომ საპროტესტოდ მოსული მოსახლეობა. ასე იყო დიდ დიღომშიც, როცა სტადიონის მშენებლობას „აპროტესტებდით“ და ასეა ახლაც საბავშვო ბაღთან დაკავშირებით“, - განაცხადა ავთანდილ ცინცაძემ.

საბურთალოს რაიონის მაჟორიტარმა „ლელოს“ წევრებს მოუწოდა, რომ უმჯობესია იმ ბაღიდან 300 მეტრში მიმდინარე მშენებლობა გააპროტესტონ.

„ამ ბაღიდან 300 მეტრში თქვენი პარტიის ლიდერის მიერ წამოწყებული მშენებლობაა და მინდა გკითხოთ, იქ ყველაფერი მოგწონთ? ხომ არ აპირებთ რამის გაპროტესტებას?“- განაცხადა ავთანდილ ცინცაძემ.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო