პარლამენტი პიროტექნიკის გამოყენებასთან დაკავშირებულ საკანონმდებლო რეგულაციებზე მუშაობს

ადამიანის უფლებათა დაცვისა და სამოქალაქო ინტეგრაციის და გარემოს დაცვისა და ბუნებრივი რესურსების კომიტეტებმა პიროტექნიკის გამოყენების საკანონმდებლო რეგულირებასთან დაკავშირებით სამუშაო შეხვედრა გამართეს.

ინფორმაციას ამის შესახებ პარლამენტი ავრცელებს.

მათივე ცნობით, შეხვედრა დისკუსიის ფორმატში მიმდინარეობდა. დეპუტატებმა იმსჯელეს, რომელ მოდელს უნდა მიენიჭოს კანონმდებლის მიერ უპირატესობა პიროტექნიკასთან დაკავშირებით და რა ალტერნატივები შეიძლება იყოს განსახილველი გარდა იმისა, რაც არმაზ ახვლედიანისა და ანა ნაცვლიშვილის საკანონმდებლო ინიციატივითაა შეთავაზებული.

„აღინიშნა, რომ პიროტექნიკის იმპორტის სრულად აკრძალვას შეიძლება ჰქონდეს უარყოფითი ეფექტები, შესაბამისად, დღის წესრიგში დადგა ალტერნატივების განხილვის საჭიროება. განხილეს კომპლექსური მიდგომის ვარიანტი, რომელიც გულისხმობს უკიდურესად შეიზღუდოს პიროტექნიკის გამოყენება, რომელიც არამართლზომიერია და სხვა პირთა უფლებებს ხელყოფს და, ამასთანავე, გაუმჯობესდეს დაწესებული შეზღუდვების ზედამხედველობისა და აღსრულების სისტემა.

ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ, მიხეილ სარჯველაძემ ხაზი გაუსვა პიროტექნიკის კანონდარღვევით გამოყენების შედეგად სხვათა უფლებების დარღვევის ფაქტებს.

გარემოს დაცვისა და ბუნებრივი რესურსების კომიტეტის თავმჯდომარე მაია ბითაძე იმ ზიანს შეეხო, რომელიც პიროტექნიკის გამოყენების შედეგად გარემოს ადგება.

საკანონმდებლო ინიციატივის ავტორებმა - არმაზ ახვლედიანმა და ანა ნაცვლიშვილმა კონკრეტულ შემთხვევებსა და პირად გამოცდილებებზე ისაუბრეს.

შეხვედრაზე სახელმწიფო უწყებებმა თავიანთი კომპეტენციის ფარგლებში წარადგინეს ხედვები აღნიშნულ საკითხთან დაკავშირებით.

მხარეები შეთანხმდნენ სამოქმედო გეგმის შემუშავებასა და ქმედითი ნაბიჯების დროულად გადადგმის მნიშვნელობაზე.

შეხვედრაში, პარლამენტის წევრებთან მიხეილ სარჯველაძესთან, მაია ბითაძესთან, არმაზ ახვლედიანთან და ანა ნაცვლიშვილთან ერთად, სხვადასხვა სახელმწიფო უწყების წარმომადგენლები მონაწილეობდნენ“, - ნათქვამია ინფორმაციაში.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
„საქკაბელმა“ ენერგეტიკულ გამოფენაზე ახალი პროდუქცია წარადგინა
მედიაჰოლდინგ „ჯორჯიან თაიმსის” ბიზნეს რეიტინგის XXIII დაჯილდოების ცერემონიაზე PSP-მ 3 ჯილდო მიიღო
GM PHARMA-ს მორიგი აღიარება და საერთაშორისო PIC/S GMP სერტიფიკატი