მედია - შვედი სამხედრო ოფიცერი, ჯაშუშობასა და ქვეყნის ეროვნული უსაფრთხოების წინააღმდეგ მიმართული ქმედებების ბრალდებით დააკავეს

შვედეთის უსაფრთხოების სამსახურმა, ჯაშუშობასა და ქვეყნის ეროვნული უსაფრთხოების წინააღმდეგ მიმართული ქმედებების ბრალდებით მაღალჩინოსანი სამხედო ოფიცერი დააკავა. ამის შესახებ ინფორმაციას Expressen-ი ავრცელებს. მასთან ერთად დაკავებულია მისი მეუღლეც. გავრცელებული ინფორმაციით, დაკავებულ ოფიცერს მნიშვნელოვანი თანამდებობები შვედეთის სამხედრო ძალებსა და სამხედრო დაზვერვის სამსახურებში ეკავა, ხოლო მის მეუღლეს შვედეთის მთავრობაში.

ჩხრეკა რამდენიმე ადგილას ჩატარდა და ამოღებულია მობილური ტელეფონები და კომპიუტერები. ორივე დაკავებული იზოლირებულ საკანშია გადაყვანილი და როგორც მთავარი პროკურორი პერ ლინდკვისტი აღნიშნავს, მათ არ ექნებათ ტელევიზორის ყურების, რადიოს მოსმენის ან გარე სამყაროსთან წერილების სახით კომუნიკაციის შესაძლებლობა.

თავდაცვის უმაღლესი მმართველობა და სამთავრობო უწყების მთავარი მინისტრები, მათ შორის თავდაცვის მინისტრი პოლ იონსონი და იუსტიციის მინისტრი გუნარ სტრომერი შვედეთის უსაფრთხოების სამსახურის მოქმედებების შესახებ ინფორმირებულნი არიან.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 18.07.2024
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის