„ნაციონალური მოძრაობა“ ნიკო ნიკოლაძის სახელობის პროფესიული სასწავლებლის რეაბილიტაციის საკითხზე ინფორმაციას ავრცელებს და ხელისუფლებას რეაგირებისკენ მოუწოდებს

ნიკო ნიკოლაძის სახელობის პროფესიული სასწავლებლის რეაბილიტაციისთვის 5 მლნ ლარი გამოიყო - იმის ნაცვლად, რომ ეს შენობა გაეკეთებინათ და როგორც მოსახლეობას დაჰპირდნენ, საერთაშორისო სტანდარტების პროფესიული სასწავლებელი ყოფილიყო, პირიქით, სამუშაოები ახლა შეჩერებულია, რაც გაკეთდა გაფუჭებულია და შენობა ავარიულ მდგომარეობაშია, - ამის შესახებ „ერთიანი ნაციონალური მოძრაობის“ წევრმა, თემურ ცამციშვილმა ბრიფინგზე განაცხადა.

„ერთიანი ნაციონალური მოძრაობის“ წევრების განცხადებით, ნიკო ნიკოლაძის სახელობის დიდი ჯიხაიშის პროფესიული სასწავლებლის რეაბილიტაციისთვის, ცენტრალური ბიუჯეტიდან 5 მილიონი ლარი გამოყვეს და 2021 წელს უნდა დასრულებულიყო. ისინი ხელისუფლებას კორუფციაში ადანაშაულებენ და რეაგირებისკენ მოუწოდებენ.

„დიდ ჯიხაიში, ნიკო ნიკოლაძის სახელობის პროფესიულ სასწავლებელში ზუსტად ორი წლის წინ იმერეთის მუნიციპალიტეტის გუბერნატორმა, განათლების მინისტრის მოადგილემ, სამტრედიის მერმა, საკრებულოს თავმჯდომარემ დაათვალიერეს აღნიშნული ობიექტის რეაბილიტაციის პროცესი, რომლის რეაბილიტაციისათვის 5 მლნ ლარია გამოყოფილი და როგორც მოსახლეობას შეჰპირდნენ აქ უნდა გახსნილიყო საერთაშორისო სტანდარტების პროფესიული სასწავლებელი, მაგრამ მოხდა პირიქით, სამუშაოები ახლა შეჩერებულია, მოხდა სრული დემონტაჟი რამდენიმე დამხმარე შენობის და ავარიულ მდგომარეობაშია შენობა. რაც გააკეთეს, ისიც გაფუჭებულია და შენობა ავარიულ მდგომარეობაშია. მოვუწოდებ პროკურატურას, გამოიძიოს, სად წავიდა 5 მლნ ლარი. არ გამოუვათ ამ საქმის თაროზე შემოდება. ამხელა შენობა იმის მაგივრად, რომ რეაბილიტაცია გაეკეთებინათ, უფრო უარეს დღეში ჩააგდეს“, - განაცხადა თემურ ცამციშვილმა.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო