ისრაელის თავდაცვის ძალების განცხადებით, ღაზასთან საზღვრის გალავნის მახლობლად ავიაიერიშის შედეგად „ჰამასის“ „ნუხბას“ სპეციალური დანიშნულების ქვედანაყოფის ორი წევრია ლიკვიდირებული.

სამხედროები აცხადებენ, რომ მათთან ერთად „ჰამასის“ სხვა ტერორისტებიც დაიღუპნენ.

აღსანიშნავია, რომ ისრაელზე „ჰამასის“ მიერ 7 ოქტომბერს განხორციელებულ მოულოდნელ თავდასხმას „ნუხბას“ სპეციალური ქვედანაყოფი ხელმძღვანელობდა.

ისრაელის თავდაცვის ძალებში ასევე აცხადებენ, რომ მათმა მოიერიშე თვითმფრინავებმა წუხელ ღაზაში „ჰამასის“ ათობით ობიექტს დაარტყეს.

თავდაცვის ძალების ცნობით, განადგურებულ სამიზნეებს შორისაა მაღალსართულიან შენობებში განთავსებული „ჰამასის“ აქტივები, გვირაბები, იარაღის საწყობები, სამეთაურო ცენტრები და მეჩეთები, რომლებსაც ტერორისტული ჯგუფი ომისთვის იყენებს.