თბილისის საკრებულოში ზაქარია გულისაშვილის ნამუშევრების პერსონალური გამოფენა გაიმართა
რუსთავის მერიის სახელოვნებო, სპორტისა და ახალგაზრდობის განვითარების ცენტრის ორგანიზებით, თბილისის საკრებულოს თამარ მეფის სახელობის დარბაზში, რუსთაველი მოქანდაკისა და მხატვრის ზაქარია გულისაშვილის ნამუშევრების პერსონალური გამოფენა მოეწყო. ინფორმაციას რუსთავის მერია ავრცელებს.
მათივე ცნობით, თამარ მეფის სახელობის დარბაზში, ხელოვანის 30-მდე ნამუშევარი იყო წარმოდგენილი.
„ზაქარია გულისაშვილის სკულპტურული და ფერწერული ნამუშევრების გამოფენა, პერიოდულად იმართება ქვეყნის სხვადასხვა საგამოფენო სივრცეში.
ხელოვანის ორი ნამუშევარი, ამჟამადაც გამოფენილია საქართველოს ეროვნულ გალერეაში.
რუსთაველი მხატვრის ფერწერული ნამუშევრები, საქართველოს საზღვრებს გარეთ-თურქეთსა და საბერძნეთშია გაყიდული.
გულისაშვილის მიერ შექმნილი სკულპტურა- „ზეციური კარიბჭე“ კი, რუსთავში, მეგობრობის გამზირზე, იუსტიციის სახლის მიმდებარედაა განთავსებული“, - ნათქვამია ინფორმაციაში.
v-if="article.gallery" v-html="article.gallery"
