ბათუმში, ე.წ. ოცნების ქალაქში მცხოვრებლები საპროტესტო აქციას მართავენ, მათ რამდენიმე წუთით ფრიდონ ხალვაშის ქუჩა გადაკეტეს.

შეკრებილები აჭარის მთავრობას მიმართავენ და მოუწოდებენ, რომ ე.წ. ოცნების ქალაქის მცხოვრებლებს საგარანტიო ხელშეკრულება გაუფორმდეთ, რომლის თანახმად, ისინი საცხოვრებელი ბინებით დაკმაყოფილდებიან.

“აქ იმიტომ შევიკრიბეთ, რომ ღია ცის ქვეშ ვცხოვრობთ. თითოეული ოჯახი უნდა დაკმაყოფილდეს საცხოვრებლით. გაგვიფორმდეს ხელშეკრულებები, 15-დღიან ვადას ვაძლევთ ხელისუფლებას, რომ თითოეულ ოჯახთან მოვიდეს და გაფორმოს ხელშეკრულება, წინააღმდეგ შემთხვევაში, ჩვენი პროტესტი გაგრძელდება მთავრობასთან”,- აღნიშნეს შეკრებილებმა.