აშშ-ს თავდაცვის მდივანმა ლოიდ ოსტინმა განაცხადა, რომ შეერთებული შტატები "შეშფოთებულია პოტენციური ესკალაციის გამო" ახლო აღმოსავლეთში.

„ჩვენ შეშფოთებულები ვართ პოტენციური ესკალაციის გამო. ფაქტობრივად, რასაც ჩვენ ვხედავთ, არის ჯარებსა და ხალხზე თავდასხმების მნიშვნელოვანი ესკალაციის პერსპექტივა მთელს რეგიონში. ამის გამო, ჩვენ ვაპირებთ გავაკეთოთ ყველაფერი, რაც აუცილებელია",- განაცხადა მან.

ამასთან, აშშ-ის თავდაცვის მდივანმა აღნიშნა, რომ მან მოუწოდა ისრაელის ოფიციალურ პირებს და კონკრეტულად ისრაელის თავდაცვის მინისტრს, „ჩაატარონ ოპერაციები ომის კანონის შესაბამისად“.

ვაშინგტონმა ახლო აღმოსავლეთში საზღვაო ძალების კონტიგენტი განათავსა, მათ შორის ორი ავიამზიდი, დამხმარე ხომალდი და ასეულობით ქვეითი.