საქართველოს ტექნიკურ უნივერსიტეტში კომუნიკაციების კომისიამ სტუდენტებისთვის საჯარო ლექცია გამართა

საქართველოს ტექნიკურ უნივერსიტეტში კომუნიკაციების კომისიამ, ახალგაზრდებში სატელეკომუნიკაციო სფეროს შესახებ ცნობიერების ამაღლების მიზნით, სტუდენტებისათვის საჯარო ლექცია -“მედია გარემო და მედიის რეგულირება” გამართა. ამის შესახებ ინფორმაციას საქართველოს ტექნიკური უნივერსიტეტი ავრცელებს.

უნივერსიტეტის ცნობით, საჯარო ლექციაზე კომუნიკაციების კომისიის წევრმა, ივანე მახარაძემ, სტუდენტებს საქართველოში არსებული მედია გარემოს შესახებ დეტალური ინფორმაცია მიაწოდა, განიხილა თუ როგორია ქვეყნის მედიაპოლიტიკა, რა არის საჭირო ტელე და რადიო მაუწყებლობის დასაწყებად, რა მიმართულებებს არეგულირებს ქართული კანონმდებლობა, ასევე, რა გამოწვევების წინაშე დგას ქართული მედია და რა როლი აქვს კომუნიკაციების კომისიას მის განვითარებაში.

საქართველოს ტექნიკური უნივერსიტეტის სასწავლო პროცესების მართვის დეპარტამენტის კარიერული განვითარების განყოფილების ხელმძღვანელის ნატო ქათამაძის თქმით, კომუნიკაციების კომისიის წარმომადგენლებმა, მიმდინარე სასწავლო წელს, უნივერსიტეტში უკვე მეორედ გამართეს საჯარო ლექცია.

„უნივერსიტეტი აქტიურად თანამშრომლობს კომუნიკაციების კომისიასთან. საჯარო ლექცია -“მედია გარემო და მედიის რეგულირება”, რიგით მეორეა მიმდინარე სასწავლო წელს. პირველ ლექციაზე კომუნიკაციების კომისიის წარმომადგენელმა სტუდენტებს 5G ტექნოლოგიის უპირატესობებისა და დანერგილი ტექნოლოგიებისგან მისი განმასხვავებელი ნიშნების შესახებ მიაწოდა დეტალური ინფორმაცია. ხაზგასმით მინდა აღვნიშნო, რომ ორივე ლექციამ დიდი დაინტერესება გამოიწვია. მედია გარემო და მისი რეგულირება განსაკუთრებით საინტერესოა “მაუწყებლობის შესახებ” კანონში ცვლილებების ფონზე. მომავალი ჟურნალისტებისთვის და არა მხოლოდ მათთვის, ლექცია ძალიან მრავლისმომცველი იყო. სტუდენტები დაინტერესდნენ რა როლი აქვს კომუნიკაციების კომისიას მედიის განვითარების კუთხით. განხილულ იქნა კონკრეტული მაგალითები“, - განაცხადა ნატო ქათამაძემ.

სტუ-ს სტუდენტის, დანიელ ქორიძის თქმით, ლექცია საინტერესოდ წარიმართა.

„ჩვენთვის მნიშვნელოვანია მივიღოთ ინფორმაცია. თავის თავად, ის უნდა იყოს ფაქტებზე დაფუძნებული და მაქსიმალურად მიახლოებული სიმართლესთან. ჟურნალისტმა შეიძლება ყველა დეტალი ვერ გამოიძიოს, მაგრამ მოსახლეობას უნდა მიაწოდოს სიმართლე. საჯარო ლექცია - “მედია გარემო და მედიის რეგულირება”, ძალიან საინტერესო იყო. ჟურნალისტის, ისევე როგორც, ნებისმიერი პროფესიის ადამიანის საქმიანობა, კანონის ფარგლებში უნდა იყოს მოქცეული, თუმცა, ვთვლი, რომ მედიის წარმომადგენელს უფრო დიდი პასუხისმგებლობა აკისრია. ის ავრცელებს სიახლეებს და ეს სიახლე არ უნდა ემსახურებოდეს სიცრუის ტირაჟირებას და ფაქტი სიძულვილის ენით არ უნდა მიაწოდოს მკითხველსა თუ მსმენელს. ჩემი აზრით, მისასალმებელია მსგავსი ლექციების ხშირად ჩატარება“, - განაცხადა სტუ-ს სტუდენტმა დანიელ ქორიძემ.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
„საქკაბელმა“ ენერგეტიკულ გამოფენაზე ახალი პროდუქცია წარადგინა
მედიაჰოლდინგ „ჯორჯიან თაიმსის” ბიზნეს რეიტინგის XXIII დაჯილდოების ცერემონიაზე PSP-მ 3 ჯილდო მიიღო
GM PHARMA-ს მორიგი აღიარება და საერთაშორისო PIC/S GMP სერტიფიკატი