უკრაინის გენერალური პროკურატურა - უკრაინაში რუსეთის შეჭრას 508 ბავშვის სიცოცხლე ემსხვერპლა

უკრაინაში რუსეთის მიერ გაჩაღებული ომის შედეგად დაიღუპა 508 და დაშავდა 1 138 ბავშვი, - ინფორმაციას უკრაინის გენერალური პროკურატურა ავრცელებს.

უწყების განმარტებით, ეს მონაცემები საბოლოო არ არის, რადგან მიმდინარეობს სამუშაოები საომარი მოქმედებების ადგილებზე, დროებით ოკუპირებულ და გათავისუფლებულ ტერიტორიებზე.

ყველაზე მეტი, 492 ბავშვი, დონეცკის დაიღუპა და დაშავდა, 304 - ხარკოვში, 130 - ხერსონში, 129 - კიევში, 99 - ზაპოროჟიეს ოლქში, 97- მიკოლაივის, 96 - დნეპროპეტროვსკის, 72 - ჩერნიგოვის და 67 - ლუგანსკის ოლქში.