აბრეშუმის გზის ფორუმის საინვესტიციო პანელის მოდერატორი Deutsche Welle-ს პოლიტიკური ანალიტიკოსი მელინდა ქრეინი იქნება

საინვესტიციო პანელის ორ სესიას, რომელიც თბილისის აბრეშუმის გზის ფორუმის ფარგლებში, 27 ოქტომბერს, სასტუმრო „ბილტმორში“ გაიმართება, მოდერატორობას ტელეკომპანია Deutsche Welle-ს პოლიტიკური ანალიტიკოსი მელინდა ქრეინი გაუწევს. ამის შესახებ ინფორმაციას ეკონომიკის სამინისტრო ავრცელებს.

უწყების ცნობით, ქრეინს ორ ათწლეულზე მეტი ხნის გამოცდილება აქვს ღონისძიებების და დისკუსიების მოდერაციაში სამოქალაქო საზოგადოების ორგანიზაციების, სამინისტროებისა და კერძო კომპანიებისთვის. 15 წლის განმავლობაში იგი თანამშრომლობდა კომპანიებთან, რომლებიც მუშაობდნენ გარემოზე კლიმატის ზემოქმედებისა და მდგრადი განვითარების დღის წესრიგზე, მათ შორისაა UNFCCC, გაეროს მაღალი დონის პოლიტიკური ფორუმი, IRENA, პოტსდამის ინსტიტუტი, P4G, R20 - ავსტრიის მსოფლიო სამიტი და სხვა.

სესიების დასრულების შემდეგ გაიმართება ორმხრივი (B2B) შეხვედრები, სადაც მსოფლიოს სხვადასხვა ქვეყნის კერძო სექტორის წარმომადგენლებს საქმიანი კონტაქტების დამყარების შესაძლებლობა ექნებათ.

„აბრეშუმის გზის ფორუმი, რომელიც 2015 წელს საქართველოს პრემიერ-მინისტრის, ირაკლი ღარიბაშვილის ინიციატივით დაფუძნდა და ყოველ ორ წელიწადში იმართება, ზრდის დაკავშირებადობას და ხელს უწყობს ქვეყნების მეტად ჩართულობას, მათ შორის, „შუა დერეფნის“ ინიციატივაში. 2023 წლის ორდღიანი ფორუმი 26 სექტემბერს, თბილისის ზაქარია ფალიაშვილის სახელობის ოპერისა და ბალეტის სახელმწიფო თეატრში გაიხსნება. ფორუმის ფარგლებში დაგეგმილია მაღალი დონის სესიები ვაჭრობის, ტრანსპორტის, ენერგეტიკის, ტურიზმის, ციფრული და ფინანსური ტექნოლოგიების საკითხებზე”, - ნათქვამია ინფორმაციაში.

პატრიარქის სააღდგომო ეპისტოლე
ანდრო გოცირიძე - საქართველოს შეუძლია რუსეთის წიაღს დაუბრუნდეს, ოღონდ, რუსეთის მიერ აღიარებული „სახელმწიფოების“ გარეშე, ეს არის ის ფორმულა, რასაც რუსეთი საქართველოს ოფიციალურად სთავაზობს
ქართული პრესის მიმოხილვა 21.04.2025
„ამბასადორი აილენდ ბათუმის" მიმართ ინტერესმა დუბაის უძრავი ქონების საერთაშორისო გამოფენაზე მოლოდინს გადააჭარბა
„ვისოლი“ ციფრული ტრანსფორმაციის ახალ ეტაპზე გადადის
Touch Plarform-ის ორგანიზებით, თბილისში რიგით მეორე საერთაშორისო ციფრული დიზაინ ფესტივალი Touch RGB გაიმართება
სილქნეტის აქცია: თემატური სპორტული პაკეტები დამატებითი გადასახადის გარეშე
საბანკო ასოციაციის რჩევები კიბერუსაფრთხოებისთვის დღესასწაულების წინ
სააღდგომო შეთავაზებები სილქნეტის მომხმარებლებისთვის