მაია ომიაძე - ჩვენი პროგნოზები გამართლდა და ტურისტული ვიზიტების სწრაფი ტემპით აღდგენა გრძელდება

საქართველოს ტურიზმის ეროვნული ადმინისტრაციის ხელმძღვანელი, მაია ომიაძე 2023 წლის 9 თვის სტატისტიკურ მონაცემებს აჯამებს. მაია ომიაძის განცხადებით, 3 კვარტლის მონაცემებით ტურისტული ვიზიტები პანდემიურ პერიოდთან შედარებით თითქმის სრულად აღდგა. ამის შესახებ ინფორმაციას ტურიზმის ეროვნული ადმინისტრაცია ავრცელებს.

ომიაძის თქმით, 2023 წლის პირველი სამი კვარტლის მონაცემებით საქართველოს 5 მილიონი 600 ათასზე მეტი საერთაშორისო მოგზაური ეწვია, პანდემიამდელ პერიოდთან შედარებით თითქმის 80 %-ით აღდგენა გვაქვს.

„ასევე აღსანიშნავია, რომ 2022 წელთან მიმართებით +43%-იანი ზრდა დაფიქსირდა. 9 თვეში საერთაშორისო ტურისტული ვიზიტების რაოდენობამ 3,655,576 შეადგინა, რაც 2019 წლის მონაცემის 91.6%-ით აღდგენაა, 2022 წელთან შედარებით ზრდა +35.2%-ია“,-განაცხადა ტურიზმის ეროვნული ადმინისტრაციის ხელმძღვანელმა.

მაია ომიაძის თქმით ტურისტული ვიზიტების სწრაფი ტემპით აღდგენა ტურიზმის ეროვნული ადმინისტრაციის სწორი სტრატეგიის შედეგია.

„მინდა ხაზი გავუსვა ფაქტს, რომ ტურიზმის ეროვნული ადმინისტრაციის პროგნოზები გამართლდა და ტურისტული ვიზიტების სწრაფი ტემპით აღდგენა გრძელდება. ძალიან სწორი მარკეტინგული სტრატეგიით მივდივართ, ჩვენი სამიზნე ქვეყნებია: გერმანია, პოლონეთი, საფრანგეთი, დიდი ბრიტანეთი, ევროპის სხვა სახელმწიფოები, ასევე აღმოსავლეთის, სპარსეთის ყურისა და შორეული ქვეყნები: ინდოეთი, ჩინეთი, აშშ. სწორედ ეს სახელმწიფოები, ასევე მეზობელი ქვეყნები გამოირჩევიან საქართველოში ტურისტების რაოდენობით“,-აცხადებს მაია ომიაძემ.

საქართველოს ტურიზმის ეროვნული ადმინისტრაცია იანვარი-სექტემბრის თვის საერთაშორისო მოგზაურთა სტატისტიკურ მონაცემებს აქვეყნებს. 2023 წლის I-III კვარტალში საქართველოში 5,566,980 საერთაშორისო მოგზაურის ვიზიტი შედგა, რაც პანდემიამდე პერიოდის მონაცემების 76.9% აღდგენაა, 2022 წელთან შედარებით კი ზრდა +43%-ია.

9 თვეში საერთაშორისო ტურისტული ვიზიტების რაოდენობამ 3,655,576 შეადგინა, რაც 2019 წლის მონაცემის 91.6% აღდგენაა, 2022 წელთან შედარებით ზრდა +35.2%-ია.

საერთაშორისო მოგზაურებისა და საერთაშორისო ტურისტული ვიზიტების რაოდენობა გამოითვლება მსოფლიო ტურიზმის ორგანიზაციის რეკომენდაციით შემუშავებული მეთოდოლოგიის მიხედვით და მოიცავს უკვე განხორციელებულ და დასრულებულ ვიზიტებს.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია