ჩვენი მიზანი „ჰამასის“ განადგურებაა, - ამის შესახებ ისრაელის ფინანსთა მინისტრმა, ბეზალელ სმოტრიჩმა ქნესეთის რელიგიური სიონისტური ფრაქციის შეხვედრაზე განაცხადა.
„ჩვენ ერთი მიზანი გვაქვს და ეს გამარჯვებაა. „ჰამასის“ და სხვა ტერორისტული ორგანიზაციების განადგურება“, - განაცხადა სმოტრიჩმა.
სმოტრიჩმა, ასევე, ისრაელის ეკონომიკის შესახებ ისაუბრა და აღნიშნა, რომ ომის მიუხედავად, ისრაელის ეკონომიკამ ფუნქციონირება მაქსიმალურად უნდა გააგრძელოს.
„ბიუჯეტში პრიორიტეტები ომის ფონზე იცვლება“, - დასძინა ისრაელის ფინანსთა მინისტრმა.