რომეო მიქაუტაძემ სემეკის დაარსების დღისადმი მიძღვნილ ღონისძიებაში მიიღო მონაწილეობა

ეკონომიკისა და მდგრადი განვითარების მინისტრის პირველმა მოადგილემ რომეო მიქაუტაძემ ენერგეტიკისა და წყალმომარაგების მარეგულირებელი ეროვნული კომისიის (სემეკი) დაარსების დღესთან დაკავშირებულ ღონისძიებაში მიიღო მონაწილეობა. ამის შესახებ ინფორმაციას ეკონომიკის სამინისტრო ავრცელებს.

უწყების ცნობით, ღონისძიებას დაესწრნენ სამთავრობო უწყებების, ენერგეტიკისა და წყალმომარაგების სექტორში მოქმედი კომპანიების, საერთაშორისო, დონორი ორგანიზაციების წარმომადგენლები და დარგის ექსპერტები. ღონისძიება გახსნა სემეკის თავმჯდომარემ დავით ნარმანიამ.

მისასალმებელ სიტყვაში რომეო მიქაუტაძემ განსაკუთრებულად შეაფასა სემეკის როლი ქვეყნის ენერგეტიკის სტაბილურად ფუნქციონირებისა და განვითარების პროცესში. მისი თქმით, ევროპის „ენერგეტიკულ გაერთიანებასთან" შეერთებით, საქართველომ აიღო ვალდებულება, დაუახლოვდეს ევროპულ კანონმდებლობას და ენერგოსექტორში ევროპული სტანდარტები დაამკვიდროს.

„ამ მნიშვნელოვან პროცესში გაიზრდება სემეკის რეგულირების სფერო და მისი როლი ენერგეტიკის დარგში. დღეს კომისიას ენერგეტიკის დარგში ერთ-ერთი საკვანძო ფუნქცია აკისრია, რომელსაც შესანიშნავად ასრულებს", - განაცხადა რომეო მიქაუტაძემ.

კონფერენციაზე დაჯილდოვდნენ სემეკის აპარატის პირველი შემადგენლობის წარმომადგენლები. სემეკის განვითარებაში შეტანილი წვლილისთვის, საპატიო სემეკელის წოდება მიენიჭათ კომისიის ღვაწლმოსილ თანამშრომლებს.

23 ოქტომბერი სემეკის დაარსების დღეა. 1997 წლის 23 ოქტომბერს ხელი მოეწერა ელექტროენერგეტიკის მარეგულირებელი კომისიის ჩამოყალიბებას.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის