მექსიკაში შეიარაღებული თავდასხმების შედეგად 22 ადამიანი დაიღუპა, მათ შორის 12 პოლიციელი, - ამის შესახებ ინფორმაციას სააგენტო AFP-ი ავრცელებს.
გასულ ღამეს მექსიკაში შეიარაღებული თავდასხმის სამი შემთხვევა იყო.
ადგილობრივი მედიის ინფორმაციით, ყველაზე დიდი თავდასხმა გერეროს შტატის კოიუკა დე ბენიტესის მუნიციპალიტეტში მოხდა, როდესაც შეიარაღებული თავდამსხმელები მექსიკის სახელმწიფო უშიშროების მაღალი თანამდებობის პირს დაესხნენ თავს.
დანარჩენი ორი თავდასხმა მიჩოაკანისა და პუებლას შტატებში მოხდა. პუებლაში განხორციელებული თავდასხმა ნარკორეალიზატორებს შორის დაპირისპირებას უკავშირდება.