პროკურორთა კონფერენციაზე საპროკურორო საბჭოს 5 ახალ პროკურორს ირჩევენ

საქართველოს პროკურორთა კონფერენციაზე საპროკურორო საბჭოს 5 ახალ პროკურორს ირჩევენ. კონფერენციას საქართველოს გენერალური პროკურორი, ირაკლი შოთაძე ესწრება.

როგორც შოთაძემ განაცხადა, ახალ წევრებს პროკურორებისა და პროკურატურის გამომძიებელთა ფარული კენჭისყრით აირჩევენ.

„დღეს ტარდება საქართველოს პროკურატურის პროკურორთა და გამომძიებელთა რიგით მეხუთე კონფერენცია, რომლის ფარგლებშიც, თითოეულმა პროკურორმა და გამომძიებელმა საპროკურორო საბჭოს 5 პროკურორი წევრი უნდა აირჩიონ. 2015 წლის შემდეგ ჩატარებული რეფორმების შედეგად, როგორც საზოგადოებისთვის ცნობილია, ვენეციის კომისიის რეკომენდაციების შესაბამისად შეიქმნა საპროკურორო საბჭო, შეიქმნა კონფერენცია და სწორედ საპროკურორო საბჭოს როლია პროკურატურის ეფექტიანობის და გამჭვირვალობის უზრუნველყოფა. საპროკურორო საბჭოს წევრები 4 წლის ვადით აირჩევიან და მონაწილეობენ პროკურატურის ყველა მნიშვნელოვანი გადაწყვეტილების მიღებაში, როგორიცაა გენერალური პროკურორის შერჩევა, გენერალური პროკურორის მოადგილეების დისციპლინარული დევნა, პროკურორების და გამომძიებლების დისციპლინარული დევნა, ჩვენი თანამშრომლების დაწინაურება, წახალისება, სამსახურში მიღება, სტრატეგიის და სისხლის სამართლის პოლიტიკის განსაზღვრა. შესაბამისად, მათი როლი მნიშვნელოვანია. ფარული კენჭისყრის წესით, პირდაპირი არჩევნების წესით ავირჩევთ საპროკურორო საბჭოს 5 ახალ წევრს 4 წლის ვადით",- განაცხადა შოთაძემ.

ცნობისთვის, 2023 წლის 18 ოქტომბერს საპროკურორო საბჭოს 5 პროკურორ წევრს 4 წლიანი უფლებამოსილების ვადა ამოეწურა. შესაბამისად, დღეს, საქართველოს პროკურორთა კონფერენციაზე, პროკურორებმა და პროკურატურის გამომძიებლებმა ფარული კენჭისყრით 5 ახალი წევრი უნდა აირჩიონ.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია