თეონა ჭალიძე - პროკურატურისგან მოვითხოვთ დაიწყოს გამოძიება „ლიბერთი ბანკის“ დეკლარირებულ სავარაუდო თაღლითობის სქემაზე, რომლის მსხვერპლი ათასობით პენსიონერი გახდა

„სტრატეგია აღმაშენებლის“ პოლიტიკური საბჭოს წევრმა და სოციალური მიმართულების ხელმძღვანელმა, თეონა ჭალიძემ „ლიბერთი ბანკის“ მხრიდან განხორციელებულ სავარაუდო თაღლითობის ფაქტზე საქართველოს პროკურატურას მიმართა და გამოძიებასთან დაკავშირებით წერილობითი მოთხოვნა ჩააბარა.

როგორც ჭალიძე აღნიშნავს, სახეზეა „ლიბერთი ბანკის“ მხრიდან სავარაუდო თაღლითური სქემა, რომლის გამოც არაერთი პენსიონერი თუ შშმ პირი დაზიანდა.

მისივე თქმით, „ლიბერთი ბანკმა“ პენსიონერებს სესხის პირობები უნებართვოდ შეუცვალა, რაც აუცილებლად პროკურატურის მხრიდან გამოძიების საგანი უნდა გახდეს.

„მოვითხოვ პროკურატურისგან დაიწყოს გამოძიება „ლიბერთი ბანკის“ დეკლარირებულ სავარაუდო თაღლითობის სქემაზე, რომლის მსხვერპლი გახდა ათასობით პენსიონერი, შშმ პირი, მარჩენალდაკარგული და სხვა.

საქმე ეხება პენსიონერთა ნებართვის გარეშე, სმს-ების საფუძველზე ახალი პირობებით სესხის დამტკიცებას, წინასწარ განზრახვით იქნა შემუშავებული და დაგზავნილი შეტყობინებები, შესაბამისად პროკურატურამ უნდა დაადგინოს, რა რაოდენობის პენსიონერთან მოხდა მსგავსი რაოდენობის განხორციელება და მანიპულაციის ჩატარება და ასევე, რა რაოდენობის ქონებაზეა საუბარი.

მოტყუება, პენსიონერების ქონების შემცირება და ბანკის ქონების გაზრდა სახეზეა, თაღლითობისთვის დამახასიათებელი ორივე კომპონენტი გვაქვს და შესაბამისად გამოძიების ფარგლებში პროკურატურამ უნდა დაადგინოს რამდენი ათასი პენსიონერი მოატყუეს ამ სქემით, რა ოდენობის ქონებაზეა საუბარი ჯამში. ზოგიერთმა პენსიონერმა ახლაც არ იცის, რომ მოატყუეს და 2026 წლამდე გადაუვადეს ბევრად ადრე დასაფარი სესხი“, - განაცხადა ჭალიძემ.

ინფორმაციას „სტრატეგია აღმაშენებელი“ ავრცელებს.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის