ოლაფ შოლცმა ოპოზიციურ პარტიებს მოუწოდა, მხარი დაუჭირონ მთავრობის მიერ შეთავაზებულ კანონპროექტს, რომელიც არალეგალური მიგრაციის შემცირებას ისახავს მიზნად
გერმანიის კანცლერმა, ოლაფ შოლცმა ოპოზიციურ პარტიებს მოუწოდა, მხარი დაუჭირონ მთავრობის მიერ შეთავაზებულ კანონპროექტს, რომელიც მიზნად ისახავს არალეგალური მიგრაციის შემცირებას. ამის შესახებ ინფორმაციას სააგენტო Reuters-ი ავრცელებს.
Reuters-ის მიერ გავრცელებული ინფორმაციით, შოლცმა ქრისტიან-დემოკრატების ლიდერ, ფრიდრიხ მერცს წერილი მისწერა, რომელშიც მერცს მოუწოდებს, რომ მხარი დაუჭიროს არალეგალური მიგრაციის შემცირების მიზნით შეთავაზებულ ზომებს.
„ჩემთვის მნიშვნელოვანია, რომ ფედერალურმა მთავრობამ, ფედერალურ მხარეთა მთავრობებმა და ოპოზიციამ ერთობლივ შეთანხმებას მიაღწიონ, რათა გერმანიაში არალეგალური მიგრაცია მნიშვნელოვნად შემცირდეს“, - წერს შოლცი.
წერილში შოლცმა ხაზი გაუსვა მთავრობასა და ოპოზიციას შორის კოორდინაციის აუცილებლობას, რადგან მთავრობას სურს, რომ 6 ნოემბერს არალეგალურ მიგრაციასთან დაკავშირებით კონკრეტულ შეთანხმებას მიაღწიოს.
v-if="article.gallery" v-html="article.gallery"
