დედაქალაქის მერიასთან აქცია - „არა კალაძის საცობებს“ გაიმართა

თბილისის მერიასთან „ნაციონალური მოძრაობის“ ორგანიზებით აქცია - „არა კალაძის საცობებს“ გაიმართა.

თბილისის საკრებულოს ფრაქცია „ერთიანი ნაციონალური მოძრაობის“ თავმჯდომარის, ირაკლი ნადირაძის განცხადებით, „დედაქალაქში პრაქტიკულად არ დარჩა არცერთი რაიონი, ქუჩა და უბანი, სადაც ნორმალურად გადაადგილებაა შესაძლებელი“.

მისივე თქმით, თბილისის მერმა ვერ ან არ განახორციელა საჭირო სატრანსპორტო და ინფრასტრუქტურული პროექტები, იმისთვის, რომ საცობების პრობლემა მოგვარებულიყო.

„დედაქალაქში პრაქტიკულად არ დარჩა არცერთი რაიონი, ქუჩა და უბანი, სადაც ნორმალურად გადაადგილებაა შესაძლებელი. თბილისი იხრჩობა კალაძის საცობებში და ის, რომ ასეთი მწვავე მდგომარეობა გვაქვს კალაძის დამსახურებაა. მან ან არ და ან ვერ განახორციელა ის საჭირო სატრანსპორტო და საგზაო ინფრასტრუქტურული პროექტები, რომელიც საცობების განტვირთვისთვისაა საჭირო. ან რაც განახორციელა, სიტუაცია მდგომარეობის გამოსწორების ნაცვლად კიდევ უფრო დამძიმდა“, - განაცხადა ირაკლი ნადირაძემ.

მერიასთან გამართულ აქციაზე კომენტარი ასევე „ნაციონალური მოძრაობის“ წევრმა, გიორგი კაპანაძემ გააკეთა და აღნიშნა, რომ „კალაძის საცობებზე“ თბილისის მერია პასუხისმგებელი.

„კალაძის საცობებზე პასუხისმგებელია თბილისის დღევანდელი მერი და ეს ყველაფერი რომ დამთავრდე, უნდა დასრულდეს კორუფცია და უნდა დასრულდეს კალაძის მავნებლობა ამ ქალაქში, რაც თავის მხრივ შეუძლებელია ცვლილებების და „რუსული ოცნების“ გაშვების გარეშე. არა კალაძის საცობებს და არა სატრანსპორტო კოლაფსს!“, - აღნიშნა კაპანაძემ.

პეტრას აუსტრევიჩუსი - გზა, რომელსაც „ქართული ოცნება“ ადგას, აბსოლუტურად რუსული, აღმოსავლური გზაა
ქართული პრესის მიმოხილვა 06.02.2025
გიორგი ანთაძე - მინიმალური დემოკრატიული სტანდარტებიც კი საფრთხეშია
კახა ოქრიაშვილი „ოცნებას“ - თქვენს კოლექტიურ შიზოფრენიას უნდა გადააყოლოთ ქვეყანა? - შემოდგომაზე არჩევნები გარდაუვალია!
GM PHARMA-ში ახალი მედიკამენტების კვლევა-განვითარება აქტიურად გრძელდება
თბილისის საერთაშორისო სტანდარტის ყინულის არენაზე, "ბაკურიანი 2025"-ის ფარგლებში, ყინულის ჰოკეიში მოასპარეზე გოგონათა გუნდების ოფიციალური ვარჯიში გაიმართა