კახა კალაძე - პირდაპირ უნდა ვთქვათ, ვინ არიან ისინი, ვინც სტატუსის მიღებას ხელს უშლიან - ესენი არიან: „ნაციონალური მოძრაობა“ ვაშაძესთან ერთად, „ლელო“ და გვარამია

ჩვენ არაერთხელ გვისაუბრია ამაზე და ეს პროცესი დღეს არ დაწყებულა. იგივე ვითარება და მდგომარეობა იყო, როდესაც ვიზალიბერალიზაციასთან დაკავშირებით ხდებოდა გადაწყვეტილების მიღება, - ამის შესახებ „ქართული ოცნების“ გენერალურმა მდივანმა კახა კალაძემ განაცხადა, რითაც „რესპუბლიკური პარტიის“ თავმჯდომარის, ხათუნა სამნიძის განცხადებას გამოეხმაურა, რომ „ოპოზიციის რიგებში არიან ადამიანები, რომლებიც ევროპელ პარტნიორებთან დახურულ კარს მიღმა საუბრობენ იმაზე, რომ საქართველოსთვის ევროკავშირის წევრობის კანდიდატის სტატუსის მიღება უნდა გადავადდეს“.

კალაძის თქმით, ის ადამიანები და პარტიები, რომლებზეც სამნიძე საუბრობდა, არიან „ნაციონალური მოძრაობა“ ვაშაძესთან ერთად, „ლელო“ და გვარამია.

„ეს არის სამწუხარო რეალობა. ჩვენ არაერთხელ გვისაუბრია ამაზე და ეს პროცესი დღეს არ დაწყებულა. იგივე ვითარება და მდგომარეობა იყო, როდესაც ვიზალიბერალიზაციასთან დაკავშირებით ხდებოდა გადაწყვეტილების მიღება, ასოცირების ხელშეკრულებას სანამ მოეწერებოდა ხელი და დღესაც, სამწუხაროდ, ქართულ პოლიტიკაში მოიძებნებიან ისეთი პოლიტიკური პარტიები და პოლიტიკოსები, რომლებიც დადიან და აქვთ იმისი მცდელობა, რომ ქვეყანამ არ მიიღოს სტატუსი. პირდაპირ უნდა ვთქვათ, ვინ არიან ეს ადამიანები, ესენი არიან: „ნაციონალური მოძრაობა“ ვაშაძესთან ერთად, ეს არის „ლელო“ და გვარამია. ეს ადამიანები, კონკრეტული სახელი და გვარებით ვამბობ, ჩვენც გვაქვს ინფორმაცია, ჩვენი უცხოელი მეგობრები ამასთან დაკავშირებით პირდაპირ გვესაუბრებიან. ალბათ, ქალბატონი სამნიძეც დაადასტურებს და დაასახელებს ამ ადამიანების ვინაობას. საზოგადოებამ უნდა უნდა იცოდეს ეს ყველაფერი - რომელია ის პოლიტიკური პარტიები, რომლებიც ეწინააღმდეგებიან ქვეყნის ევროპულ მომავალს და განვითარებას. შენ შეიძლება იყო დღეს ოპოზიციაში და რაღაცაში არ ეთანხმებოდე ხელისუფლებას, გქონდეს პოლემიკა და განსხვავებული აზრი, მაგრამ როდესაც საუბარია ევროპულ მომავალზე, ქვეყნის განვითარებაზე და ყველაფერ ამას ეწინააღმდეგები და ხელს უშლი, ეს არის ძალიან დიდი ბოროტება“, - განაცხადა კახა კალაძემ.

შეგახსენებთ, რომ როგორც „რესპუბლიკური პარტიის“ თავმჯდომარემ, ხათუნა სამნიძემ ტელეკომპანია „პალიტრანიუსის“ გადაცემა „პოლიტიკური სივრცეში“ განაცხადა, ოპოზიციის რიგებში არიან ადამიანები, რომლებიც ევროპელ პარტნიორებთან დახურულ კარს მიღმა საუბრობენ იმაზე, რომ საქართველოსთვის ევროკავშირის წევრობის კანდიდატის სტატუსის მიღება უნდა გადავადდეს და 2024 წლის არჩევნების შემდეგ მიენიჭოს საქართველოს სტატუსი. როგორც სამნიძემ აღნიშნა, ოპოზიციონერ კოლეგებს მოუწოდა, შეწყვიტონ საქართველოს კანდიდატის სტატუსის მიღების დამაზიანებელი გზავნილების გავრცელება.

გიორგი ბილანიშვილი - რუსეთს არც ერთ ფუნდამენტურ საკითხში საქართველოს მიმართებაში საკუთარი დამოკიდებულება ჩვენთვის სასარგებლოდ არ შეუცვლია, ხოლო საქართველოზე გავლენის ბერკეტები კი განიმტკიცა და გაზარდა
რა ხდება ბანკებისა და სადაზღვევო კომპანიების ურთიერთობაში? - ინტერვიუ დაზღვევის კავშირის აღმასრულებელ მდივანთან, ლაშა ნიკოლაძესთან
ქართული პრესის მიმოხილვა 30.11.2023
ზუმერის e-Commerce ევოლუცია - 5 მთავარი სიახლე zoommer.ge-ზე
სილქნეტი - დაჭრილ მებრძოლთა მხარდასაჭერად სამხედრო ატაშეების მარათონი გაიმართა
რატომ უნდა შეიძინოთ მშენებარე ბინა ნუცუბიძეზე?
26 ნოემბერს „ზეთისხილის მსოფლიო დღე“ აღინიშნა
„არქი მაიამი“ – დეველოპერული კომპანია „არქი“ ფლორიდის შტატში, მაიამისთან მულტიფუნქციურ კომპლექსს ააშენებს