თეონა ჭალიძე - „ლიბერთი ბანკის“ თანამშრომლებო, პენსიონერებს ნუ შეაჩეჩებთ ხელში „ოვერდრაფტს“ თქვენი ბონუსების სანაცვლოდ

„ლიბერთი ბანკის“ თანამშრომლებო მოგმართავთ, რომ პენსიონერებს ნუ შეაჩეჩებთ ხელში ისეთ საბანკო პროდუქტს, როგორიც „ოვერდრაფტია“, რომლის პირობებიც მათთვის არ იქნება ნათელი და გასაგები, - ამის შესახებ „სტრატეგია აღმაშენებლის“ პოლიტიკური საბჭოს წევრმა და სოციალური მიმართულების ხელმძღვანელმა, თეონა ჭალიძემ „ლიბერთი ბანკის“ მიერ პენსიონერებისთვისა და შშმ პირებისთვის არაინფორმირებული თანხმობით „ოვერდრაფტის“ გაცემასთან დაკავშირებით განაცხადა.

როგორც ჭალიძე აღნიშნავს, „ლიბერთი ბანკის“ თანამშრომლები ბონუსების სანაცვლოდ პენსიონერებისთვის „ოვერდრაფტებს“ გასცემენ, რაც პენსიონერებს აზარალებთ.

„ლიბერთი ბანკის“ თანამშრომლებო, განსაკუთრებით ოპერატორებო, იურისტებო, პენსიონერებზე არაინფორმირებული თანხმობის საფუძველზე რომ გასცემთ საბანკო პროდუქტს, როგორიცაა „ოვერდრაფტი“, ამის სანაცვლოდ თქვენ იღებთ ბონუსებს, კეთილდღეობას, ხოლო პენსიონერებს აზარალებთ, იმიტომ, რომ მათ არ იციან, თუ რას მოიცავს და რა პირობებით არის ეს ოვერდრაფტი გაცემული.

წლების განმავლობაში ჰგონიათ, რომ იხდიან სტანდარტულ სესხს, ჰგონიათ, რომ ყოველთვიურად ეჭრებათ, როგორც პროცენტი, ასევე იფარება ძირი თანხა, სინამდვილეში კი თურმე სულ პროცენტში მიდის მათ მიერ მოჭრილი თანხა. ეს არის მინიმუმ არაკეთილსინდისიერება, რომელიც არ არის შესაფერისი არანაირი სამსახურის წარმომადგენლისთვის, ამიტომაც მოგმართავთ, რომ პენსიონერებს ნუ შეაჩეჩებთ ხელში ისეთ საბანკო პროდუქტს, როგორიც „ოვერდრაფტია“, რომლის პირობებიც მათთვის არ იქნება ნათელი და გასაგები“, - განაცხადა ჭალიძემ, რომლის კომენტარსაც „სტრატეგია აღმაშენებელი“ ავრცელებს.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია