რაგბის კავშირის აღმასრულებელი დირექტორი თორნიკე გოგებაშვილი ფინანსურ პრობლემებზე გავრცელებულ ინფორმაციას „უაპელაციო სიცრუეს“ უწოდებს

საქართველოს რაგბის კავშირის აღმასრულებელი დირექტორი თორნიკე გოგებაშვილი მედიაში რაგბის კავშირში არსებულ ფინანსურ პრობლემებზე გავრცელებულ ინფორმაციას „უაპელაციო სიცრუეს“ უწოდებს.

როგორც გოგებაშვილის განცხადებაშია აღნიშნული, „არასდროს ქართული რაგბი ფინანსურად ისეთი სტაბილური არ ყოფილა, როგორიც დღეს“.

„შეეშვით სიცრუის ტირაჟირებას და ქართული რაგბის წინააღმდეგ ინტერნეტ-სივრცეში ცილისწამების კამპანიებს, რომლის ბოლო გამოვლინება დღეს „ლიდერ-სპორტისა“ და სხვა საინფორმაციო წყაროების მიერ რაგბის კავშირში არსებულ ფინანსურ პრობლემებზე გავრცელებული უაპელაციო სიცრუე გახდა. არასდროს ქართული რაგბი ფინანსურად ისეთი სტაბილური არ ყოფილა, როგორიც დღეს; ჩვენ განსაკუთრებულ ყურადღებას ვუთმობთ ქალთა რაგბის განვითარებას, რომელიც უკვე მომავალი წლიდან მსოფლიო რაგბის მხარდაჭერით სრულიად ახალი განვითარების ეტაპს იწყებს, და დუბაის ტურნირზე უარიც სწორედ ამ მიზეზით ითქვა. ამ გადაწყვეტილების მიღება ქალთა ნაკრების პერსონალსა და სპორტულ დირექტორთან ერთად მოხდა, მათი პოზიცია იყო, რომ ეს კონკრეტული ტურნირი ამ ეტაპზე არანაირ სპორტულ მიზნობრიობას არ შეიცავდა. აქვე დავძენ, რომ საქართველოს რაგბის კავშირი მოწინავე ორგანიზაციაა ქალთა სპორტის გაძლიერებისა და განვითარების მხარდაჭერის კუთხით.

დაბეჯითებით ვთხოვ ქართულ საინფორმაციო წყაროებს, შეწყვიტონ სიცრუის გავრცელება, პატივი სცენ პროფესიულ სტანდარტებს, დაიცვან ეთიკის ნორმები და ინფორმაციის გავრცელებამდე გადაამოწმონ მისი სისწორე – საქართველოს რაგბის კავშირი მუდმივად მზად არის ნებისმიერ საკითხზე ინფორმაციის მისაწოდებლად“,- ნათქვამია თორნიკე გოგებაშვილის განცხადებაში, რომელსაც რაგბის კავშრირი ავრცელებს.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 25.07.2024
კახა ოქრიაშვილი - „ოცნების“ ორმაგი და სამმაგი თამაში ომამდე მიგვიყვანს
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო