„საქართველოს სახელმწიფო ელექტროსისტემაში“ შემეცნებითი ტური ჩატარდა

„საქართველოს სახელმწიფო ელექტროსისტემამ“ შემეცნებითი ტურის ფარგლებში სკოლა-ლიცეუმ „მწიგნობართუხუცესის“ უფროსკლასელებს უმასპინძლა.

„საქართველოს სახელმწიფო ელექტროსისტემის“ ცნობით, სსე-ის სათავო ოფისში მოსწავლეებმა ეროვნული სადისპეტჩერო ცენტრი მოინახულეს და მისი ფუნქციონირების ძირითად პრინციპებს გაეცნენ.

„მოსწავლეებმა დაათვალიერეს უახლესი ტექნოლოგიებით აღჭურვილი მართვის ფარი, რომელიც პასუხისმგებელია ენერგოსისტემის ოპერატიულ მართვაზე. მოსწავლეებს ჩაუტარდათ პრეზენტაცია ენერგეტიკის თემაზე, მიიღეს ინფორმაცია „საქართველოს სახელმწიფო ელექტროსისტემის“ როლზე ქვეყნის ენერგეტიკის განვითარების საქმეში.

ეროვნული სადისპეტჩერო ცენტრის შემდეგ, შემეცნებითი ტური მოსწავლეებისთვის სსე-ის ქვესადგურში „ნავთლუღი 220“ გაგრძელდა. უფროსკლასელებმა ქვესადგური დაათვალიერეს და ინფორმაცია მიიღეს ელექტროგადამცემი ხაზების და ქვესადგურების ფუნქციონირების შესახებ, უშუალოდ ჩაერთნენ სხვადასხვა ელექტრომოწყობილობით ელექტროგადამცემი ხაზების დიაგნოსტირების პროცესში. მოსწავლეებმა დაათვალიერეს სსე-ის სასწავლო ცენტრი, სადაც მომავალ ენერგეტიკოსებს ეძლევათ სტაჟირების უსასყიდლოდ გავლის შესაძლებლობა მომავალი დასაქმების პერსპექტივით.

„საქართველოს სახელმწიფო ელექტროსისტემა“ 2016 წლიდან აქტიურ რეჟიმში ახორციელებს შემეცნებით ტურს თბილისისა თუ რეგიონების სკოლების მოსწავლეებისთვის, რაც, პირველ რიგში, ახალი თაობის ენერგეტიკის დარგით დაინტერესებას ემსახურება. სსე ორიენტირებულია, მეტ ახალგაზრდას გააცნოს კომპანიაში მიმდინარე მასშტაბური პროექტები და დანერგილი თანამედროვე ტექნოლოგიები. შესაბამისად, შემეცნებითი ტური სხვადასხვა სკოლის მოსწავლეებისთვის მთელი წლის განმავლობაში გაიმართება“, - ნათქვამია ინფორმაციაში.

გიორგი ანთაძე - თუ ასე გაგრძელდა, დასავლეთთან ურთიერთობების აღდგენას და სათანადო რელსებზე დაბრუნებას დიდი დრო შეიძლება დასჭირდეს, ან კიდევ სულაც წარმოუდგენლად გართულდეს
ქართული პრესის მიმოხილვა 15.07.2024
რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია