ჯო ბაიდენი - ისრაელელები და პალესტინელები ვერ დაუბრუნდებიან სტატუს-კვოს, ეს ნიშნავს, რომ „ჰამასი“ ვეღარ შეძლებს ისრაელის დატერორებას და პალესტინელი მშვიდობიანი მოსახლეობის ცოცხალ ფარად გამოყენებას

აშშ-ის პრეზიდენტის, ჯო ბაიდენის განცხადებით, ისრაელს აქვს პასუხისმგებლობა, „ჰამასის“ 7 ოქტომბრის თავდასხმას უპასუხოს, მაგრამ მან მშვიდობიანი მოსახლეობის სიცოცხლის დაცვა უნდა უზრუნველყოს. აშშ-ის პრეზიდენტი ხაზს უსვამს, რომ რეგიონი ვერ დაუბრუნდება თავდასხმამდე არსებულ სტატუს კვოს.

„ისრაელელები და პალესტინელები იმსახურებენ გვერდიგვერდ ცხოვრებას უსაფრთხოდ, ღირსეულად და მშვიდობიანად. არანაირი დაბრუნება იმ სტატუს კვოში, რომელიც იყო 6 ოქტომბერს. ეს ნიშნავს, რომ „ჰამასი“ ვეღარ შეძლებს ისრაელის დატერორებას და პალესტინელი მშვიდობიანი მოსახლეობის ცოცხალ ფარად გამოყენებას. ეს ასევე ნიშნავს, რომ როდესაც ეს კრიზისი დასრულდება, უნდა არსებობდეს ხედვა იმის შესახებ, თუ რა მოხდება შემდეგ. ჩვენი აზრით, ეს უნდა იყოს კონფლიქტის ორი სახელმწიფოს პრინციპის საფუძველზე გადაწყვეტა და ეს ნიშნავს კონცენტრირებულ ძალისხმევას ყველა მხარისთვის, ისრაელელებისთვის, პალესტინელებისთვის, რეგიონული პარტნიორებისთვის, გლობალური ლიდერებისთვის, რათა დაგვაყენონ მშვიდობის გზაზე“, - აღნიშნა ბაიდენმა.

აშშ-ის პრეზიდენტის თქმით, მნიშვნელოვანია გვახსოვდეს, რომ „ჰამასი“ არ წარმოადგენს პალესტინელებს.

„„ჰამასი“ იმალება პალესტინელი მშვიდობიანი მოსახლეობის უკან და ეს საზიზღარი და ლაჩრული საქციელია. ეს დამატებით ტვირთად აწვება ისრაელს. მიუხედავად იმისა, რომ ისინი სდევნიან „ჰამასს“, ეს არ ამცირებს ომის კანონების შესაბამისად მოქმედების აუცილებლობას. ისრაელმა უნდა გააკეთოს ყველაფერი, რაც შეუძლია, რაც არ უნდა რთული იყოს ეს, რომ დაიცვას უდანაშაულო მშვიდობიანი მოქალაქეები“, - აღნიშნა პრეზიდენტმა ბაიდენმა.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო