ემანუელ მაკრონი - თუ სახმელეთო შეჭრა საფრთხეს შეუქმნის მშვიდობიან მოსახლეობას, მისი დაწყება ისრაელისთვის შეცდომა იქნება

საფრანგეთის პრეზიდენტის, ემანუელ მაკრონის თქმით, ისრაელის მიერ ღაზაში სახმელეთო შეჭრა შეცდომა იქნება.

მაკრონმა კაიროში ვიზიტისას განაცხადა, რომ სახმელეთო შეჭრა ზიანს მიაყენებს სამოქალაქო პირებს ისრაელის გრძელვადიანი უსაფრთხოების უზრუნველყოფის გარეშე.

„რაც შეეხება სახმელეთო შეჭრას, თუ ის მთლიანად მიმართული იქნება ტერორისტული ჯგუფების წინააღმდეგ, ეს არის არჩევანი, რომელიც მას აქვს, მაგრამ თუ ეს იქნება მასიური ოპერაცია, რომელიც საფრთხეს შეუქმნის მშვიდობიან მოსახლეობას, ამ შემთხვევაში მე ვფიქრობ, რომ ეს იქნება შეცდომა ისრაელისთვის“, - განაცხადა მაკრონმა.

ამასთან, საფრანგეთის პრეზიდენტმა კვლავ გაიმეორა, რომ საფრანგეთი აღიარებს ისრაელის უფლებას, დაიცვას საკუთარი თავი.

ცნობისთვის, მაკრონი გუშინ იორდანიის დედაქალაქ ამანს ეწვია, მას შემდეგ, რაც სამშაბათს შეხვედრები გამართა ისრაელის პრემიერ-მინისტრ ბენიამინ ნეთანიაჰუსთან და პალესტინის ლიდერ მაჰმუდ აბასთან. ამის შემდეგ კი ის კაიროში ჩავიდა, სადაც ეგვიპტის პრეზიდენტ აბდელ ფატა ალ-სისის შეხვდა.

ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო