ჩინეთის საჰაერო ძალების 15 თვითმფრინავი ტაივანის საჰაერო სივრცეში შევიდა. ამის შესახებ ინფორმაციას სააგენტო Reuters-ი, ტაივანის თავდაცვის სამინისტროზე დაყრდნობით ავრცელებს.

ტაივანის თავდაცვის სამინისტროს ცნობით, დღეს დილით, ჩინეთის საჰაერო ძალების 15 თვითმფრინავი, მათ შორის, მოიერიშე თვითმფრინავები და უპილოტო საფრენი აპარატები, ტაივანის საჰაერო თავდაცვის ზონაში შევიდა.

ტაივანი, რომელსაც ჩინეთი საკუთარ ტერიტორიად აცხადებს, ბოლო რამდენიმე წელია, ჩინეთს კუნძულის გარშემო განხორციელებული სამხედრო მოქმედებების გამო აკრიტიკებს.