თენგიზ ნასარიძე - გამყოფ ხაზთან მაცხოვრებელი ადამიანების მხარდაჭერა განსაკუთრებით მნიშვნელოვანია

გარემოს დაცვისა და სოფლის მეურნეობის მინისტრის მოადგილე თენგიზ ნასარიძე, შიდა ქართლის რეგიონში, USAID-ის „ძლიერი სოფლის პროგრამის” ერთწლიანი საქმიანობის შემაჯამებელ ღონისძიებას დაესწრო.

ამის შესახებ ინფორმაციას გარემოს დაცვისა და სოფლის მეურნეობის სამინისტრო ავრცელებს.

მათივე ცნობით, ღონისძიების ფარგლებში, შიდა ქართლში დაფინანსებული საგრანტო პროექტების წარდგენა გაიმართა. თენგიზ ნასარიძემ USAID-ს მხარდაჭერისთვის მადლობა გადაუხადა.

ნასარიძის განცხადებით, საქართველოს მთავრობისთვის სოფლის განვითარება ერთ-ერთი პრიორიტეტია.

„USAID-ის „ძლიერი სოფლის პროგრამა” ოკუპირებულ ტერიტორიებთან მდებარე სოფლებში მცხოვრებ მოსახლეობას სხვადასხვა მიმართულებით ეხმარება. გამყოფ ხაზთან მაცხოვრებელი ადამიანების მხარდაჭერა განსაკუთრებით მნიშვნელოვანია, ვინაიდან ისინი, არაერთი გამოწვევის მიუხედავად, აგრძელებენ ამ სოფლებში საქმიანობას და ეკონომიკურ დოვლათს ქმნიან. ასევე ძალიან მნიშვნელოვანია ამ კუთხით ადგილობრივი მუნიციპალიტეტების ჩართულობა. საქართველოს მთავრობისთვის სოფლის განვითარება ერთ-ერთი პრიორიტეტია. გარემოს დაცვისა და სოფლის მეურნეობის სამინისტრო სხვადასხვა პროგრამის მეშვეობით ხელს უწყობს ძლიერი სოფლის განვითარებას. გამყოფ ხაზთან მდებარე სოფლებში სასოფლო-სამეურნეო საქმიანობით დაკავებული მოსახლეობისთვის დამატებით შეღავათიანი პირობებია გათვალისწინებული“, - განაცხადა თენგიზ ნასარიძემ.

მინისტრის მოადგილემ ქვეყანაში სასოფლო-სამეურნეო პროდუქციის წარმოებისა და ექსპორტის გაზრდილ მაჩვენებლებზეც ისაუბრა.

როგორც USAID-ის ადმინისტრატორის მოადგილემ ევროპისა და ევრაზიის ბიუროში, ელჩმა, ერინ ელიზაბეტ მაქიიმ აღნიშნა, პროგრამა ქვეყნებს შორის პარტნიორობის გაძლიერებას უწყობს ხელს.

„ამერიკის შეერთებული შტატები და საქართველო 30 წელზე მეტია თანამშრომლობენ, ჩვენ საქართველოში ძლიერი დემოკრატიისა და ეკონომიკის შექმნას ვუწყობთ ხელს. მხარს ვუჭერთ ქვეყნის სუვერენიტეტსა და ტერიტორიულ ერთიანობას, რაც ქვეყანას კიდევ უფრო აახლოებს ევროპასთან. ჩვენ ვაგრძელებთ საქართველოსთან პარტნიორობას, რათა ხელი შევუწყოთ საქართველოს მოსახლეობას, გავაუმჯობესოთ მათი პირობები და შევქმნათ მეტი შესაძლებლობა. ეს პროგრამა მნიშვნელოვანია განსაკუთრებით იმიტომ, რომ 20% ქვეყნის ტერიტორიის ოკუპირებულია და განსაკუთრებით ამ მოქალაქეებს ვუწყობთ ხელს, ვინც პირადად დაზარალდა რუსეთის უკანონო ოკუპაციისგან“, - განაცხადა ერინ ელიზაბეტ მაქიიმ.

გავრცელებული ინფორმაციის თანახმად, USAID-ის ძლიერი სოფლის პროგრამის ერთწლიანი საქმიანობის შემაჯამებელ ღონისძიებას ესწრებოდა რეგიონული განვითარებისა და ინფრასტრუქტურის მინისტრის მოადგილე მზია გიორგობიანი, ასევე, პროგრამის სამიზნე მუნიციპალიტეტების მერები და კერძო და სამოქალაქო სექტორის წარმომადგენლები.

USAID-ის „ძლიერი სოფლის პროგრამის” განხორციელება 2022 წლის ივლისში დაიწყო და მისი მიზანია ადმინისტრაციული გამყოფი ზოლის მიმდებარე თემების გაძლიერება, რაც მათ არსებულ გამოწვევებთან გამკლავებაში შეუწყობს ხელს.

რობინ ვაგენერი - „უცხოური გავლენის გამჭვირვალობის შესახებ“ კანონთან ერთად ევროკავშირში გაწევრიანება აღარ იქნება - ამის შანსი არ არის
ქართული პრესის მიმოხილვა 11.07.2024
ვახტანგ ძაბირაძე - თუ  ყველაფერი ასე გაგრძელდა, თან ამას დაემატა დასავლეთის მიერ არჩევნების შედეგების არ აღიარება, დასავლეთის საქართველოსთან პარტნიორობა დასრულდება და დასრულდება ყველა მიმართულებით
ფლორენს ბაუერი - დემოგრაფიულ ცვლილებასთან გამკლავების საუკეთესო გზა არის ისეთი პირობების შექმნა, რომელიც ადამიანებს საკუთარი მომავლისა და ოჯახის მიმართ მტკიცე რწმენას გაუჩენს
უპრეცედენტო პირობები Renault Captur-ის ახალი ავტომობილის შეძენისას
თიბისი სტარტაპერებისთვის ახალ კამპანიას იწყებს
ბაზისბანკი სვანეთის IV საერთაშორისო კინოფესტივალის ოფიციალური სპონსორია