„აბრეშუმის გზის ფორუმის“ პირველ პანელზე „პეისერას“ თანადამფუძნებელი და გამგეობის წევრი აუდრიუს ლუჩიუნასი წარდგება

„აბრეშუმის გზის ფორუმის“ პირველ პანელზე, დღეს, 14:00 საათზე „პეისერას“ თანადამფუძნებელი და გამგეობის წევრი აუდრიუს ლუჩიუნასი წარდგება.

26-27 ოქტომბერს საქართველო „თბილისის აბრეშუმის გზის ფორუმს“ უმასპინძლებს. მასშტაბური ფორუმი, რომელიც 2015 წელს საქართველოს პრემიერ-მინისტრმა, ირაკლი ღარიბაშვილმა დააფუძნა, წელს მეოთხედ იმართება.

შუა დერეფანი, ლოგისტიკა, ტრანსპორტი, საპორტო ინფრასტრუქტურა, ენერგეტიკა, პორტები, ინოვაციები და ფინანსური ტექნოლოგიები, ინვესტიციები - ეს და სხვა საკითხები იქნება საქართველოში მიმდინარე აბრეშუმის გზის ფორუმის ძირითადი საკითხები, რომლებზეც საქართველოში ორი დღის განმავლობაში პანელურ დისკუსიებსა და B2B შეხვედრების დროს.

აუდრიუს ლუჩიუნასი „პეისერას“ თანადამფუძნებელი და გამგეობის წევრია. ის გამოცდილი მეწარმე და კონსულტანტია, რომელიც კომპანიებს განვითარებაში ეხმარება. თავისი კარიერის განმავლობაში მან შექმნა რამდენიმე წარმატებული კომპანია ფინტექში, IT უსაფრთხოების, ელექტრონული კომერციისა და ტრადიციული საცალო ვაჭრობის სფეროში.

„პეისერას“ პარტნიორი კი საქართველოში „პეისერა ბანკი საქართველოა“, რომლის გენერალური დირექტორიც, დიმიტრი ქუმსიშვილია. „პეისერა ბანკი“ პირველი ციფრული ბანკია ქართულ ბაზარზე, რომელიც მომხმარებლებს ექსკლუზიურ და ინოვაციურ სერვისს და პირობებს სთავაზობს. სწორედ ამან განაპირობა პანელის პირველივე დღეს, „პეისერას“ თანადამფუძნებლით დაინტერესება, რომელიც ციფრულ ფინანსურ ინფრასტრუქტურაში ბლოკჩეინის როლზე ისაუბრებს.

პანელური დისკუსია თბილისის დროით 14:00 საათზე დაიწყება.

დავით ზურაბიშვილი - ჩვენ გვყავს ხელისუფლება, რომელსაც არ აქვს განცდა, რომ ქართული სახელმწიფოს ხელმძღვანელია
სოფიო ხორგუანი - როდესაც ჩიხში შედიხარ, უნდა დაბრუნდე უკან და მოძებნო ის გზა, რომელიც ჩიხს აგარიდებს
ქართული პრესის მიმოხილვა 12.05.2025
ვალუტის გაცვლა ახლა უკვე Scapp-შია – სვის კაპიტალი აპლიკაციის ფუნქციონალს აფართოებს
ბრემენის უნივერსიტეტსა და აღმოსავლეთ ევროპის უნივერსიტეტს შორის თანამშრომლობის ფართო ხელშეკრულებას მოეწერა ხელი
Harmont & Blaine-მა თბილისში ახალი მონობრენდული მაღაზია გახსნა
PSP-სა და „MAGENTO“-ს სერტიფიცირებულ პარტნიორს „Bighorn Web Solution“ შორის ელ-კომერციის პლატფორმის სრულყოფილი განახლების კონტრაქტი გაფორმდა
„სილქ როუდ ჯგუფის“ პრესსამსახურის განცხადება