25 ოქტომბერს, ამბროლაურის კულტურის ცენტრში, სპექტაკლის „ჯერ დაიხოცნენ მერე იქორწინეს’’ პრემიერა გაიმართა. ამის შესახებ ინფორმაციას ამბროლაურის მუნიციპალიტეტის მერია ავრცელებს.

მათივე ცნობით, სპექტაკლის პრემიერას რაჭა-ლეჩხუმ-ქვემო სვანეთის სახელმწიფო რწმუნებულის პირველი მოადგილე ქრისტინა კობახიძე, ამბროლაურის მუნიციპალიტეტის მერი ზვიად მხეიძე, მერის პირველი მოადგილე დავით გოგლიძე, მერის მოადგილე თამარ ქევანაშვილი და საკრებულოს თავმჯდომარე ასლან საგანელიძე ესწრებოდნენ.

მათივე ცნობით, რეჟისორ გელა ისიანის მიერ დადგმულ სპექტაკლში მონაწილეობდნენ: ლილიანა მხეიძე, ლადო გოგოლაძე, გელა ისიანი, ივანე ცაგურიშვილი, ელისო გელოვნიშვილი, ქეთი ფოფხაძე და დათო დაუშვილი.

„სპექტაკლის პრემიერამ წარმატებით ჩაიარა და მაყურებლის მოწონება დაიმსახურა“,- აღნიშნულია ინფორმაციაში.