„საქართველოს განვითარების ფონდს“ საერთაშორისო კომპანია „Rothschild“-ის მმართველი დირექტორი ეწვია

საერთაშორისო საკონსულტაციო კომპანია „Rothschild“-ის მმართველი დირექტორი ბარონესა არიელ მალარ დე როტშილდი „საქართველოს განვითარების ფონდს“ ეწვია.

ამის შესახებ ინფორმაციას „საქართველოს განვითარების ფონდი“ ავრცელებს.

მათივე ცნობით, საქმიან შეხვედრას ფონდის მხრიდან სამეთვალყურეო საბჭოს თავმჯდომარე დავით საგანელიძე, ფონდის ახალი აღმასრულებელი დირექტორი ბესიკ ბუგიანიშვილი, სამეთვალყურეო საბჭოს თავმჯდომარის მოადგილე მერაბ კაკულია და საბჭოს წევრი ნანა ადეიშვილი ესწრებოდნენ.

„საქართველოს განვითარების ფონდის“ მენეჯმენტმა „Rothschild“-ის მმართველ დირექტორს ფონდის საქმიანობის პრიორიტეტები და სამომავლო გეგმები გააცნო.

ბარონესა არიელ მალარ დე როტშილდმა საერთაშორისო ფინანსურ ინსტიტუტებთან ურთიერთობასა და პოტენციური ინვესტორების მოზიდვის მიმართულებით, ფონდის მხარდაჭერის მზადყოფნა გამოთქვა.

შეხვედრის ფარგლებში, მხარეებმა სამომავლო თანამშრომლობის პერსპექტივებისა და შესაძლებლობების შესახებ იმსჯელეს“,- აღნიშნულია ინფორმაციაში.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 15.07.2024
მეხუთე თაობის „სანტა ფე“ - მზად ნებისმიერი თავგადასავლისთვის