გიორგი ამილახვარი ქუთაისის საერთაშორისო უნივერსიტეტის საპატიო პრეზიდენტ ვოლფგანგ ჰერმანს შეხვდა

საქართველოს განათლებისა და მეცნიერების მინისტრმა, გიორგი ამილახვარმა მიუნხენის ტექნიკური უნივერსიტეტის ყოფილ პრეზიდენტსა და ქუთაისის საერთაშორისო უნივერსიტეტის საპატიო პრეზიდენტთან, პროფესორ ვოლფგანგ ჰერმანთან სამუშაო შეხვედრა გამართა. შესაბამის ინფორმაციას საქართველოს განათლებისა და მეცნიერების სამინისტრო ავრცელებს.

გიორგი ამილახვარმა ქუთაისის საერთაშორისო უნივერსიტეტის განვითარების საქმეში გერმანული მხარის აქტიური ჩართულობის მნიშვნელობაზე ისაუბრა და აღნიშნა, რომ გერმანიის სამეცნიერო საზოგადოებასთან დაახლოება კიდევ უფრო უწყობს ხელს საქართველოს უმაღლესი განათლების ინტერნაციონალიზაციას.

„მინისტრმა მადლობა ვოლფგანგ ჰერმანს ქუთაისის საერთაშორისო უნივერსიტეტის განვითარებაში შეტანილი განსაკუთრებული წვლილისთვის პირადად გადაუხადა.

შეხვედრაზე მხარეებმა ქუთაისის საერთაშორისო უნივერსიტეტის მიუნხენის ტექნიკურ უნივერსიტეტთან თანამშრომლობის ფარგლებში შექმნილი აკადემიური პროგრამები განიხილეს და ადრონული თერაპიის ცენტრის პროექტთან დაკავშირებულ საკითხებზე იმსჯელეს.

შეხვედრის დასასრულს, ვოლფგანგ ჰერმანმა გიორგი ამილახვარს უმაღლესი განათლებისა და მეცნიერების მიმართულებით არსებული თანამშრომლობის გაფართოების მზაობა დაუდასტურა.

შეხვედრას ასევე ქუთაისის საერთაშორისო უნივერსიტეტის რექტორი, ალექსანდრე თევზაძე და კანცლერი მაგდა მაღრაძე, TUM International-ის გუნდის წევრები, ფრედერიკ ჰეტინგერი და კატრინ რიხტერი და ფონდ „ქართუს‘‘ პროექტებისა და ოპერაციების დირექტორი, ვახტანგ ცაგარელი ესწრებოდნენ”,- აღნიშნულია ინფორმაციაში.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის