ფინანსთა მინისტრი ლაშა ხუციშვილი EIB-ის დირექტორს ლიონელ რაპაის შეხვდა

ფინანსთა მინისტრი ლაშა ხუციშვილი ევროპის საინვესტიციო ბანკის საკრედიტო ოპერაციების დირექტორს, ევროკავშირის გაფართოებისა და სამეზობლოს მიმართულებით, ლიონელ რაპაის შეხვდა. ინფორმაციას ფინანსთა სამინისტრო ავრცელებს.

უწყების ცნობით, შეხვედრას ფინანსთა მინისტრის მოადგილე ეკატერინე გუნცაძე და ევროპის საინვესტიციო ბანკის რეგიონული წარმომადგენლობის ხელმძღვანელი სამხრეთ კავკასიაში, მაჩიე ჩურა დაესწრნენ.

„საუბარი ევროპის საინვესტიციო ბანკის მხარდაჭერით საქართველოში მიმდინარე პროექტებს შეეხო.

მხარეებმა იმედი გამოთქვეს, რომ ბანკთან თანამშრომლობა კვლავ აქტიურად გაგრძელდება ერთობლივი მსხვილი საინვესტიციო პროექტების მიმართულებით და რაც განსაკუთრებით მნიშვნელოვანია, საქართველოს ევროკავშირში ინტეგრაციის კონტექსტში,“ - აღნიშნულია გავრცელებულ ინფორმაციაში.

გიორგი გობრონიძე - ხელისუფლება საზოგადოებასთან ბოლომდე გულწრფელი არ არის
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო