საერთაშორისო გამოცემამ Global Finance-ი „თიბისი“ საუკეთესოდ დაასახელა ნომინაციაში - საუკეთესო ბანკი მცირე და საშუალო ბიზნესისათვის საქართველოში 2024 წელს. ინფორმაციას „თიბისი“ ავრცელებს.

მათივე ცნობით, SME Bank Awards-ი Global Finance-ის ყოველწლიური დაჯილდოვებაა, რომლის გამარჯვებულები მსოფლიოს ყველა კონტინეტიდან - ჯამში 70-მდე ქვეყნიდან შეირჩნენ.

„Global Finance-ის ჯილდოები ნათლად ადასტურებენ, რომ „თიბისი“ბიზნესის მხარდაჭერის მიმართულებით გამორჩეული და საუკეთესოა. ეს ჯილდო არის ჩვენი მრავალრიცხოვანი პროექტისა და ხარისხიანი პროდუქტების მორიგი აღიარება, რომელთა საშუალებითაც მცირე და საშუალო ბიზნესის განვითარებას ხელს ვუწყობთ,“ - განაცხადა „თიბისის“ გენერალური დირექტორის მოადგილე თორნიკე გოგიჩაიშვილმა.

„მცირე მეწარმეობა ყველა ქვეყანაში ეკონომიკის მამოძრავებელი ძალაა. მიუხედავად იმისა, რომ ის ფართო სპექტრს მოიცავს, თითოეულ ბიზნესს სპეციფიკური საჭიროებები აქვს, რომელსაც ინდუსტრია, სექტორი თუ გეოგრაფია განაპირობებს. Global Finance-მა დააჯილდოვა ის საფინანსო ინტიტუტები, რომლებიც ამ სეგმენტზე ფოკუსირდებიან და კარგად ესმით, მათ ქვეყანაში მცირე და საშუალო ბიზნესს რა სჭირდება,“ - აღნიშნა Global Finance-ის დამფუძნებელმა და რედაქტორმა, ჯოზეფ ჯარაპუტომ.

Global Finance-მა გამარჯვებულები თავად ბანკების მიერ წარდგენილ ინფორმაციასა და დამოუკიდებელ კვლევებზე დაყრდნობით გამოავლინა, რომლის დროსაც ინდუსტრიის ინსაიდერების, აღმასრულებლებისა და ტექნოლოგიების ექსპერტების მოსაზრებები შეისწავლეს. ბანკების რეიტინგები 2022 წლის აპრილიდან 2023 მარტის ჩათვლით პერიოდს მოიცავდა.

ჟურნალი Global Finance-ი 1987 წლიდან გამოდის და მას მსოფლიოს 190 ქვეყანაში კითხულობენ. გავლენიანი გამოცემა უკვე 35 წელია მსოფლიოში სხვადასხვა კატეგორიის მიხედვით საუკეთესო ბანკებს ასახელებს. Global Finance-ი საუკეთესო შედეგების მქონე ბანკებსა და ფინანსური სერვისების სხვა მიმწოდებლებს რეგულარულად აჯილდოებს. მსოფლიოს ფინანსური საზოგადოებისთვის კი, Global Finance-ის ჯილდოები საბანკო საქმიანობის შეფასების სანდო და ობიექტური სტანდარტია.