გიორგი ამილახვარმა USAID-ის ახალი პროექტის „განათლება მომავლისთვის საქართველოში“ პრეზენტაციაში მონაწილეობა მიიღო

ამერიკის შეერთებული შტატების განვითარების სააგენტო (USAID), საქართველოს განათლებისა და მეცნიერების სამინისტროსთან თანამშრომლობით, ახალ პროექტს იწყებს, რომლის ფარგლებშიც განათლების სისტემა 14 მილიონი ლარის ღირებულების დაფინანსებას მიიღებს. ინფორმაციას განათლებისა და მეცნიერების სამინისტრო ავრცელებს.

უწყების ცნობით, პროექტის – „განათლება მომავლისთვის საქართველოში“ პრეზენტაციაში საქართველოს განათლებისა და მეცნიერების მინისტრმა. გიორგი ამილახვარმა მონაწილეობა მიიღო. მან დამსწრე საზოგადოებას მისასალმებელი სიტყვით მიმართა და საქართველოს სტრატეგიული პარტნიორის - ამერიკის შეერთებული შტატების მთავრობას განათლების სფეროს განვითარების მხარდაჭერისთვის მადლობა გადაუხადა.

„ჩვენთვის ყველა ის პროექტი, რომელსაც ჩვენს სტრატეგიულ პარტნიორთან - ამერიკის შეერთებულ შტატებთან ერთად ვახორციელებთ, განსაკუთრებით განათლების სფეროში, ძალიან მნიშვნელოვანია. ჩვენი მთავრობისა და სამინისტროს ერთ-ერთი მთავარი პრიორიტეტია ზოგადი განათლების რეფორმა და დღევანდელი პროექტი, რომელიც USAID-თან თანამშრომლობით იწყება, ამ მიმართულებით დიდი წინგადადგმული ნაბიჯია.

პროექტი სრულად პასუხობს იმ რეფორმებს, რომელთა განხორციელებასაც ახლო მომავალში სამინისტრო გეგმავს. წარმატებული თანამშრომლობის კარგი მაგალითია, USAID-სა და სამინისტროს შორის პარტნიორობა, რომლის ფარგლებშიც ჩვენ ზოგადი განათლების საფეხურზე არსებული პრობლემებისა და გამოწვევების დაძლევას ერთად უზრუნველვყოფთ.

პროექტი ასევე საშუალებას მოგვცემს, ჩვენი შვილებისთვის ხარისხიან განათლებაზე ხელმისაწვდომობა გავზარდოთ, ინფრასტრუქტურა გავაუმჯობესოთ და მასწავლებლების კვალიფიკაციის ამაღლებას ხელი შევუწყოთ,“ - განაცხადა ამილახვარმა.

პრეზენტაციის ფარგლებში მონაწილეებს სიტყვით ასევე USAID-ის ადმინისტრატორის მოადგილემ, ევროპისა და ევრაზიის ბიუროში, ელჩმა, ერინ ელიზაბეტ მაქიიმ მიმართა.

დიმიტრი ცქიტიშვილი - ხელისუფლებამ იცის, რომ ამერიკასთან ურთიერთობების დალაგების კუთხით ჩიხშია, ახლა მათ ერთადერთი ამოცანა აქვთ - არჩევნები მოიგონ და შემდეგ თქვან: ხალხმა ჩვენ აგვირჩია და დაანებეთ თავი ამ ქვეყანას
ვახტანგ ხმალაძე - თბილისის საქალაქო სასამართლოს მოსამართლე პრეზიდენტის კონსტიტუციურ უფლებამოსილებებში შეიჭრა, რისი უფლებაც მას არ ჰქონდა
ქართული პრესის მიმოხილვა 22.07.2024
კახეთის გზატკეცილზე „კარფურის” სუპერმარკეტი უკვე გაიხსნა
„ბიოგრაფი ლივინგი“ დეველოპერულ ბაზარზე მოღვაწეობის პირველივე წლის ბოლოს მე-4 ახალ პროექტს იწყებს
Keepz-მა ღია ბანკინგის ლიცენზია მიიღო