ევროკავშირის ლიდერები ღაზაში „ჰუმანიტარული დერეფნების და პაუზების“ უზრუნველყოფის მოწოდებით გამოდიან

ევროკავშირის ლიდერები, ღაზას მშვიდობიან მოსახლეობამდე ჰუმანიტარული დახმარების მიღწევის მიზნით, ჰუმანიტარული დერეფნების შექმნისა და ჰუმანიტარული საჭიროებისთვის პაუზების უზრუნველყოფის მოწოდებით გამოდიან.

ბრიუსელში გამართული სამიტის შემდეგ გამოქვეყნებულ ერთობლივ დეკლარაციაში 27-მა ლიდერმა შეშფოთება გამოხატა ღაზაში ჰუმანიტარული სიტუაციის გაუარესების გამო და განაცხადა, რომ საჭიროა მათ, ვისაც დახმარება სჭირდებათ უწყვეტი, სწრაფი, უსაფრთხო და შეუფერხებელი ჰუმანიტარული წვდომა ჰქონდეთ ყველა საჭირო ზომის საშუალებით, მათ შორის ჰუმანიტარული დერეფნებისა და პაუზების უზრუნველყოფით.

დეკლარაციაში ასევე აღნიშნულია, რომ ევროპული საბჭო უმკაცრესად გმობს „ჰამასის“ სასტიკ ტერორისტულ თავდასხმებს ისრაელზე.

„”ჰამასის“ მიერ მშვიდობიანი მოსახლეობის ცოცხალ ფარად გამოყენება განსაკუთრებით სავალალო სისასტიკეს წარმოადგენს”, - აცხადებენ ევროკავშირის ლიდერები.

ევროკავშირის ლიდერების ერთობლივი განცხადება დაახლოებით 5-საათიანი დებატების შემდეგ გამოქვეყნდა.

ლევან ლორთქიფანიძე - დასავლეთის მკაცრი, მიზანმიმართული გადაწყვეტილებები, ივანიშვილს აგრძნობინებს, რომ მან ადრე ჩამოწერა აშშ და ევროკავშირი, რომ დასავლეთი არ აპირებს ხელი აიღოს თავის ინტერესებზე სამხრეთ კავკასიაში
ქართული პრესის მიმოხილვა 15.07.2024
მეხუთე თაობის „სანტა ფე“ - მზად ნებისმიერი თავგადასავლისთვის